Audi ընկերությունը ներկայացրել է R8 V10 plus սուպերքարի հատուկ տարբերակը՝ անվանման մեջ Performance Parts կցորդով: Կուպեն ունի թեթեւացված կառուցվածք, կատարելագործված աերոդինամիկա եւ ենթարկվել է որոշ ոճական փոփոխությունների, փոխանցում է Autonews-ը:
Արդիականացման շնորհիվ 310 կմ/ժ արագությամբ վերարտադրվում է 250 կգ ճնշման ուժ, որը 10 կգ-ով ավելի է, քան ստանդարտ ավտոմեքենաներինը:
Սուպերքարը ստացել է կատարելագործված կախոց՝ կարգավորվող ամերտիզատորով, ինչպես նաեւ առջեւի կերամիկական արգելակման մեխանիզմներ՝ տիտանե նեցուկներով եւ նոր անվասկավառակներ՝ Michelin Pilot Cup 2 անիվներով:
Սուպերքարի ուժասարքը փոփոխություն չի կրել: Audi R8 V10 plus-ն ունի 5,2-լիտրանոց մթնոլորտային 10-գլանանի շարժիչ, որը զարգացնում է 610 ձիաուժ հզորություն եւ 560 Նմ պտտման պահ: