Արագածոտնի մարզում ավտովթար է տեղի ունեցել: Հուլիսի 10-ին ժամը 20։30-ի սահմաններում Պռոշյան գյուղի 25-ամյա բնակիչ Գարեգին Հովհաննիսյանը իր վարած ՎԱԶ 2121 մակնիշի 67 ՕՕ 600 համարանիշի ավտոմեքենայով Երեւան-Աշտարակ ավտոճանապարհի 22-րդ կմ հատվածում դեպի Աշտարակ ընթանալիս դուրս է եկել ճանապարհի երթեւեկելի գոտուց, մի քանի պտույտ շրջվելով՝ հայտնվել ձորակում։ Այս մասին տեղեկանում ենք shamshyan.com-ից:
Վթարի հետեւանքով վարորդը մարմնական վնասվածքներով տեղափոխվել է «Աստղիկ» բժշկական կենտրոն։ Նրան առաջինը օգնության են հասել քաղաքացիներն ու ԱԻՆ «Աղետների բժշկության կենտրոն» ՊՈԱԿ-ի բժիշկների հերթապահ խումբը:
Փաստի առիթով նյութեր են նախապատրաստվում։ Աղբյուրի փոխանցմամբ՝ ճանապարհային ոստիկաններն ավտոմեքենայի մեջ հայտնաբերել են վարորդի անվամբ վարորդական իրավունքի 2 վկայական: