News
Լրահոս
News
Երկուշաբթի
Նոյեմբեր 19
Տեսնել լրահոսը


ՀՀԿ–ի կողմից իշխանությունը հանձնելը այն փաստը չէ, որի հետեւանքով պետք է դուրս գամ ՀՀԿ–ից։ Այս մասին այսօր՝ հուլիսի 11–ին լրագրողների հետ զրույցում նշեց ԱԺ ՀՀԿ–ական պատգամավոր Միհրան Պողոսյանը՝ պատասխանելով հարցին ինչու դուրս չի գալիս ՀՀԿ–ից։

NEWS.am–ի թղթակցի հարցին՝ պատրաստվո՞ւմ է նա դառնալ ակտիվ ընդդիմություն, Պողոսյանը պատասխանեց. «Պատրաստվում եմ լինել այն  ակտիվ պատգամավորը, որը ՀՀ–ի համար մաքսիմալ ՕԳԳ կունենա»։

Դիտարկմանը, որ  ՀՀԿ–ում առաջիկա արտահերթ ընտրություններին պատրաստվում են կուսակցության քաղաքական թեւին առաջ մղել, իսկ նա չի դիտարկվում այդ թեւի մեջ, նա նկատեց. «Ես ՀՀԿ–ի ամենաերիտասարդ, ամենակարճ ժամանակ անցկացրած անձանցից մեկն եմ։ ՀՀԿ–ի շարքերը մտել եմ ընտրություններից 1-2 ամիս առաջ, բայց  ՀՀԿ–ի կողմից իշխանությունը հանձնելը այն փաստը չէ, որի հետեւանքով պետք է դուրս գամ ՀՀԿ–ից։ Այսօր այդ հարցը չի քննարկվում»։

NEWS.am–ի թղթակիցը հետաքրքրվեց՝ հե՞շտ է, լինելով  ՀՀԿ–ում, քաղհալածյալի դիրքերից հանդես գալ, Պողոսյանը զարմանքով արձագանքեց. «Ես հալածյալի տեսք ունե՞մ։ Ես չեմ պատրաստվում հալածյալ լինել։ Ես անելու եմ ամեն ինչ թե՛ իմ ընտրողների համար, թե՛ ՀՀ–ի համար»։

Մեկ այլ հարցին՝ արդյոք Միհրան Պողոսյանի էլոկտորատը նույնն  է մնացել, վերջինս նշեց. «Ես հույս ունեմ այո»։

Նա սակայն չբացառեց, որ հեղափոխությունից հետո հնարավոր է ինչ–որ բան փոխված լինի։ «Մենք շատ հաճախ հանդիպումներ ենք ունենում, այն իրավիճակը որ կա, թույլ է տալիս ինձ ասել, որ ես հույս ունեմ, որ չի փոխվել»,–եզրափակեց Պողոսյանը։

Տպել
Ամենաշատ
Partner news