Ապօրինի զենք-զինամթերք ձեռք բերելու եւ պահելու, ինչպես նաեւ խոշոր չափով գույք հափշտակելու մեջ մեղադրվող Մանվել Գրիգորյանի փաստաբան Լեւոն Բաղդասարյանը պատրաստվում է Վճռաբեկ բողոք ներկայացնել գեներալի խափանման միջոցը փոխելու վերաբերյալ: Այս մասին NEWS.am-ին հայտնեց Մանվել Գրիգորյանի փաստաբաններից Արսեն Մկրտչյանը:
Նա նշեց, որ նախաքննությունն ընթանում է նորմալ հունով: Պաշտպանը տեղեկացրեց, որ Մանվել Գրիգորյանի առողջական վիճակը շարունակում է մնալ ծանր, եւ նրա մոտ հայտնաբերված հիվանդությունները համապատասխանում են Կառավարության որոշմամբ պատժի կրման հետ անհամատեղելի հիվանդությունների ցանկին, սակայն դատարանները մերժում են խափանման միջոցը փոխելու մասին իրենց բողոքները:
Հիշեցնենք, որ Մանվել Գրիգորյանը հունիսի 19-ին կալանավորվել է: Նա մեղադրվում է ապօրինի զենք-զինամթերք պահելու եւ առանձնապես խոշոր չափի յուրացում կատարելու մեջ: Խոսքը, մասնավորապես, վերաբերում է ապրիլյան պատերազմի օրերին ուղարկված օգնությունը յուրացնելուն:
