ՆԱՏՕ-ն որեւէ երկրի համար սպառնալիք չի ներկայացնում։ Այս մասին ասված է Բրյուսելում ՆԱՏՕ-ի անդամ երկրների առաջնորդների հայտարարությունում։
«Մենք նախկինի պես ամբողջությամբ հանձնառու ենք սպառազինության վերահսկողությանը, զինաթափմանն ու չտարածմանը»,-նշված է փաստաթղթում։
Առաջնորդները նշել են նաեւ, որ նախկինի պես պատրաստ են Ռուսաստանի հետ կառուցողական երկխոսության։
Միաժամանակ, հայտարարությունում նշվում է, որ «Ռուսաստանը ապակայունացնում է Ուկրաինան, այդ թվում՝ Ղրիմի անօրինական անեքսիայի միջոցով, խախտում է միջազգային իրավունքը, վարում է սադրիչ ռազմական քաղաքականություն եւ փորձում է տապալել մեր ինստիտուտները»։
