ՆԱՏՕ-ի անդամ երկրների առաջնորդները կոչ են արել պահպանել «վճռական ճնշումը» Հյուսիսային Կորեայի վրա, այդ թվում ՄԱԿ պատժամիջոցների միջոցով, որպեսզի այդ ձեւով համոզեն նրան հրաժարվել միջուկային, քիմիական, կենսաբանական զենքից։
Նրանք նաեւ մտահոգություն են հայտնել Իրանի հրթիռային փորձարկումների կապակցությամբ ու հայտնել, որ Դաշինքը հանձնառու է «մշտապես ապահովել Իրանի միջուկային ծրագրի խաղաղ բնույթի պահպանումը»։
Գագաթաժողովի հռչակագիրը, որը ստորագրել են ՆԱՏՕ-ի 29 առաջնորդները, հաստատել է անվերապահ աջակցությունը «Կորեական թերակղզու ամբողջական, վերահսկելի ու անդառնալի ապամիջուկայնացմանը»։
«Մենք Փհենյանին կոչ ենք անում կատարել իր միջազգային պարտավորությունները, վերացնել միջուկային, քիմիական ու կենսաբանական զենքերը ու բալիստիկ հրթիռները ու հրաժարվել համապատասխան ծրագրերից», ասվում է հայտարարության մեջ։
Հյուսիսային Կորեային կոչ են արել վերադառնալ Միջուկային զենքի չտարածման մասին պայմանագիր ու միանալ քիմիական զենքի մասին հռչակագրին։