Սիրիայում ահաբեկիչների դեմ ռազմական գործողության ընթացքում հայազգի զինվոր է զոհվել՝ սիրիական բանակի զինծառայող Հայկ Օկադիշյանը: Այս մասին Twitter-ում գրել է սիրիահայ լրագրող Գեւորգ Ալմասյանը:
Նա նաեւ գրել է, որ Հայկ Օկադիշյանը Սիրիան եւ սիրիահայ համայքը պաշտպանել է ահաբեկիչներից. «Շատ հայեր են զոհվել սիրիական բանակի շարքերում, այդ թվում՝ իմ ընկերը»:
Նշենք, որ մինչեւ արյունալի իրադարձությունների մեկնարկը Սիրիայում 60-70 հազար հայ էր բնակվում: Նրանց կեսն ապրում էր Հալեպում, մյուս կեսը՝ երկրի տարբեր քաղաքներում՝ Դամասկոս, Լաթաքիա, Հոմս, Ղամըշլի, Հասակե, Յակուբիե, Ռաքքա, Քեսաբ: