Ֆրանսիական Dassault Aviation ընկերությունը ցուցադրել է հինգերորդ սերնդի եվրոպական կործանիչի առաջին պատկերը, փոխանցում է «ՌԻԱ Նովոստի»-ն:
Նշվում է, որ նոր օդանավն ապագայում փոխարինելու է 4++ սերնդի Dassault Rafale եւ Eurofighter Typhoon գործող կործանիչներին:
Ըստ հոլովակի՝ եվրոպացի ինժեներների ընտրած աերոդինամիկական սխեման նման է ամերիկյան վեցերորդ սերնդի F/A-XX կոնցեպտի սխեմային:
Մեքենայի առջեւի մասը վկայում է Dassault Rafale-ի հետ հեռավոր նմանության մասին, որը Dassault Aviation-ի նախորդ կործանիչն է: Խցիկի լապտերի ձեւն ու մեծությունը վկայում են օդանավի երկտեղանի տարբերակի մշակման մասին:
Բացի այդ, նոր կործանիչը կարող է դառնալ ունիվերսալ հարթակ, որի հիմքով կարելի է ստեղծել կործանիչի օդաչուավոր եւ անօդաչու տարբերակներ: