Երեւանի ավագանու ՀՀԿ խմբակցությունում դեռ չեն քննարկել քաղաքապետի նոր թեկնածու առաջադրելու հարցը: Այս մասին այսօր՝ հուլիսի 12-ին, լրագրողներին ասաց Երեւանի ավագանու ՀՀԿ-ական անդամ Նաիրա Նահապետյանը, ավագանու նիստից առաջ:
Հարցին, թե Տարոն Մարգարյանի ուղերձում չկար որեւէ բացատրություն հրաժարականի պատճառների մասին, Նաիրա Նահապետյանը հորդորեց այդ մասին հարցնել Տարոն Մարգարյանին. «Իրան հարցրեք, էլի»:
Լրագրողի դիտարկմանը, թե նախկին քաղաքապետին այլեւս հնարավորություն չի լինի հարցնելու, Նաիրա Նահապետյանը հակադարձեց, որ հնարավորություն դեռ շատ-շատ անգամ կլինի:
Հիշեցնենք, որ ավագանին այսօր որոշեց քաղաքապետի արտահերթ ընտրություն նշանակել հուլիսի 16-ին։ Այդ օրը քաղաքապետի թեկնածուներ կառաջադրեն ավագանիում մանդատ ունեցող կուսակցությունները։
