Սիդնեյում տղամարդը գնացքի ժամանելուց վայրկյաններ առաջ ընկել է ռելսերի վրա, սակայն անցորդներից մեկին հաջողվել է փրկել նրան, հաղորդում է «ՌԻԱ Նովոստի»-ն՝ վկայակոչելով New York Post-ը:
Մարդը սայթակել է եւ ընկել հարթակից, երբ գնացքն արդեն ժամանում էր կայարան: Նրան կարողացել է փրկել անցնող ուղեւորը, ով ռելսերի վրա ընկած տղամարդուն վերեւ է բարձրացրել: Ինչպես նշում է պարբերականը, չնայած գնացքի արտակարգ իրավիճակների համակարգի ակտիվացմանը, տղամարդը, ամենայն հավանականությամբ, կմնար անիվների տակ, եթե չլիներ ականատեսի օգնությունը: