News
Լրահոս
News
Երեքշաբթի
Հուլիս 17
Տեսնել լրահոսը

Մեծ Բրիտանիայի կառավարությունը հրապարակել է Եվրամիությունից դուրս գալու ծրագրի վերջնական տարբերակը։ Այսպես կոչված «սպիտակ գրքում» պարզաբանվում է, որ կառավարությունը մի կողմից ցանկանում է ԵՄ երկրների հետ սերտ առեւտրային հարաբերություններ պահպանել, իսկ մյուս կողմից՝ այլ երկրների հետ նոր առեւտրային համաձայնագրեր կնքելու հնարավորություն ունենալ, փոխանցում է BBC-ն։

Brexit-ի հարցերով նախարար Դոմինիկ Ռաաբը հայտարարել է, որ այս ծրագրերը համապատասխանում են 2016 թվականի հանրաքվեի արդյունքներին, երբ 51,9 տոկոսը կողմ էր արտահայտվել ԵՄ-ի կազմից Բրիտանիայի դուրս գալուն։

Brexit-ի հարցերով գլխավոր բանակցող Միշել Բարնյեն նշել է, որ Լոնդոնի պլանները պետք է իրատեսական լինեն։

Մեծ Բրիտանիան ԵՄ-ի կազմից պետք է դուրս գա 2019 թվականի մարտի 29-ին, որից հետո կարող է սկսվել, այսպես կոչված, անցումային փուլը, որը, ըստ հավանականության, կձգվի մինչեւ 2020 թվականի դեկտեմբերի 31-ը։

Ինչպես Լոնդոնը, այնպես էլ Բրյուսելը հույս ունեն ապագա հարաբերությունների շուրջ բանակցություններն ավարտել հոկտեմբերին, քանի որ ցանկացած համաձայնագիր պետք է ստանա Մեծ Բրիտանիայի, ԵՄ անդամ 27 երկրների, ինչպես նաեւ Վալոնիայի ու Ֆլանդրիայի խորհրդարանների հավանությունը։

Բրիտանական առաջարկների հիմնական կետերն են՝

  1. Մեծ Բրիտանիան հանձնառու կմնա ապրանքների ու գյուղատնտեսական արտադրանքին վերաբերող ԵՄ կանոններին։
  2. ԵՄ-ն ու Բրիտանիան կստորագրեն Բրիտանիայի եւ ԵՄ-ի կանոնների ու պահանջների «ընդհանուր ներդաշնակեցման» մասին պայմանագիր, որը թույլ կտա Հյուսիսային Իռլանդիայի եւ Իռլանդիայի Հանրապետության սահմանը բաց պահել։
  3. Մեծ Բրիտանիայի առեւտրի քաղաքականությունը կվարի խորհրդարանը, որը իրավունք կունենա ԵՄ կանոներից շեղումները հավանության արժանացնել։
  4. Բրիտանական տնտեսության ծառայությունների ոլորտը չի հետեւելու ԵՄ բոլոր կանոններին։
  5. Կստեղծվի «ինստիտուցիոնալ կառույց» Մեծ Բրիտանիայի եւ ԵՄ-ի միջեւ կնքված պայմանագրերի մեկնաբանման համար։
  6. Եվրոպական դատարանը Մեծ Բրիտանիայում այլեւս իրավազորություն չի ունենա, սակայն բրիտանական դատարանները պարտավոր կլինեն «պատշաճ ուշադրություն» դարձնել ԵՄ իրավակիրառ պրակտիկային:
  7. ԵՄ-ի եւ Մեծ Բրիտանիայի սահմանները կհամարվեն«միասնական մաքսային տարածք»:
  8. ԵՄ-ի եւ Մեծ Բրիտանիայի միջեւ ազատ միգրացիան կդադարեցվի։
  9. Կստեղծվեն «շարժման ազատության ընդհանուր պայմաններ», որպեսզի Եվրամիության եւ Մեծ Բրիտանիայի քաղաքացիները առանց խոչընդոտների կարողանան այցելել միմյանց։

Եվրամիության իշխանությունները ողջունել են բրիտանական առաջարկների հրապարակումը եւ նշել, որ կպատասխանեն դրանց մանրամասն ուսումնասիրությունից հետո:

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեզ Լեռնային Ղարաբաղում նոր լարվածություն պետք չէ. Սվիտալսկի
Մենք սատարում ենք ԵԱՀԿ Մինսկի խմբի համանախագահների գործունեությունը…
Նախորդ կառավարությունում հակակոռուպցիոն հանձնաժողովը բավականաչափ անկախ չէր, մենք հրաժարվեցինք. Սվիտալսկի
Բոլոր բարձր խոստումները կփոխակերպվեն հստակ ծրագրերի...
ՀՀ-ԵՄ վիզաների ազատականացման հարցը եղել է Փաշինյանի բրյուսելյան այցի օրակարգում. Բալայանը մանրամասնում է
Դա չի նշանակում, որ վաղը կամ մեկ տարուց մենք պետք է ունենանք այդ ազատականացված ռեժիմը, բայց պետք է երկխոսությունը մեկնարկի, որ տեսնենք՝ ինչի շուրջ ենք խոսում...
Նոր նախարարներից ոմանք փորձառություն չունեն, բայց ունեն հանձնառություն. Սվիտալսկի
Ես հոռետես չեմ, հակառակը՝ ես տեսնում եմ շատ երիտասարդ մարդկանց, որոնք մտածում են երկրի ապագայի մասին...
ԵՄ-ի համար էլ հեշտ չէ. Սվիտալսկին՝ արտահերթ ընտրություններում ՀՀ–ին աջակցելու մասին
Մենք հասկանում ենք, որ արտահերթ ընտրությունները հեռու չեն...
Եթե ԵՄ–ի նկատմամբ ՀՀ քաղաքականությունը չի փոխվել, ՀՀ–ի նկատմամբ ԵՄ–ինը եւս պետք չէ ակնկալել, որ փոխվի. Սվիտալսկի
Մենք հասկանում ենք, որ նոր կառավարությունը կարող է ցանկանալ փոփոխել դրանք, մենք ամբողջությամբ բաց ենք...
Ամենաշատ
Partner news