News
Լրահոս
News
Երեքշաբթի
Հուլիս 17
Տեսնել լրահոսը


Եթե մի կողմը ոչ թե խաղաղ կարգավորման է պատրաստվում, այլ անընդհատ ագրեսիվություն է ցուցաբերում, այդ խոսակցության տոնի համար համապատասխան մթնոլորտ նշանակում է չկա, եւ համաշխարհային հանրությունը պետք է սա արձանագրի: Բրյուսելի օդանավակայանում լրագրողների հետ ճեպազրույցում, որը հեռարձակվել է «Ազատության» ուղիղ եթերում, այս մասին հայտարարել է ՀՀ վարչապետ Նիկոլ Փաշինյանը՝ անդրադառնալով Լեռնային Ղարաբաղի հիմնախնդրին:

Վարչապետը նաեւ հավելել է, որ մենք մեր հերթին պետք է արձանագրենք այս իրավիճակը եւ պատրաստ լինենք ցանկացած զարգացման:

Լրագրողի հարցին, թե Հայաստանի եւ Ադրբեջանի ԱԳ նախարարների առաջին հանդիպումից հետո այդ իրավիճակի որոշակի փոփոխություն, դինամիկա կա՞, Նիկոլ Փաշինյանը պատասխանել է. «Ես չեմ կարծում, թե ԱԳ նախարարների հանդիպումը շրջադարձային է: Հանդիպում է եղել, շփում է եղել, ըստ էության՝ առաջին շփումը այս թեմայի շուրջ, եւ որեւէ պարագայում առաջին շփումներից մեծ արդյունքներ ակնկալելը ճիշտ չէ: Դրանք արժեքավոր են այնքանով, որ տեղի է ունենում շփում, ծանոթություն»:

«Նույնը կարող եմ ասել նաեւ իմ հանդիպումների մասին: Իհարկե, շատ լայն շրջանակ ստացվեց ծանոթությունների, եւ սա կարող ենք արձանագրել որպես այդ այցի արդյունք: Ընդհանուր առմամբ՝ որոշակի պայմանավորվածություններ ձեռք բերվեցին, հրավերներ եղան, Հայաստան գալու պատրաստակամություններ արձանագրվեց, մասնավորապես՝ Ֆրանկոֆոնիայի գագաթնաժողովի շրջանակում: Այնպես որ՝ այս այցը կարելի է համարել ծանոթությունների, անձնական կոնտակտների հաստատման այց: Սրանով, ըստ էության, կարող ենք այցի նպատակը իրագործված համարել»,- հավելել է Նիկոլ Փաշինյանը:

Ինչ վերաբերում է Ադրբեջանի նախագահի հետ հանդիպման հնարավորությանը. վարչապետն ասել է՝ այս պահին նման որեւէ խոսակցություն չկա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Մահաբեր զենքեր». Սլովակիայի մամուլը՝ այդ երկրից Ադրբեջան զենքի ապօրինի մատակարարումների մասին (Ֆոտո)
Հայաստանի դեսպանը քննադատում է Սլովակիային՝ Ադրբեջանին զենք մատակարարելու համար. օգնել եք մեզ սպառնացող պետությանը...
Հայաստանի հեղափոխությունը Ղարաբաղում պատերազմը հետաձգեց. փորձագետ
Ղարաբաղում պատերազմական գործողությունների վերսկսումը սպասվում էր աշնանը, սակայն Հայաստանում իշխանափոխության չէին սպասում, այն էլ՝ հեղափոխության ճանապարհով…
Հարկ չկա սպասել լայնածավալ ռազմական գործողությունների վերսկսման Ղարաբաղի տարածքում. փորձագետ
Արման Նավասարդյանի խոսքով՝ Ղարաբաղում որեւէ փոփոխություն չի ակնկալվում...
Հայկական հատուկ ծառայությունները պետք է զբաղվեն ժողովրդավարության արտահանմամբ Ադրբեջան. քաղաքագետ
«Ադրբեջանը բազմակրոն եւ բազմազգ երկիր է, սակայն նրանց հասարակությունը չգիտի, թե ինչ է ազատությունը...
Պետք է վերահաստատել, որ ՀՀ-ն կճանաչի Արցախի անկախությունը Ադրբեջանի հերթական ագրեսիայի դեպքում. Աշոտյան
Հայաստանը պետք է մշտապես շարունակի բարձրաձայնել, որ առանց Արցախի Հանրապետության ժոողովրդի համաձայնության չի կարող լինել որեւէ վերջնական լուծում…
Մեզ Լեռնային Ղարաբաղում նոր լարվածություն պետք չէ. Սվիտալսկի
Մենք սատարում ենք ԵԱՀԿ Մինսկի խմբի համանախագահների գործունեությունը…
Ամենաշատ
Partner news