News
Լրահոս
News
Երկուշաբթի
Մարտ 18
Տեսնել լրահոսը


Ես իմ բոլոր հանդիպումներում ընդգծում եմ, որ ժողովրդավարությունը մեզ համար արտաքին քաղաքական կողմնորոշում չէ, այլ արժեքային համակարգ: Բրյուսելի օդանավակայանում լրագրողների հետ ճեպազրույցում, որը հեռարձակվել է «Ազատության» ուղիղ եթերում, այս մասին հայտարարել է ՀՀ վարչապետ Նիկոլ Փաշինյանը:

«Ես բազմաթիվ շնորհավորանքներ եմ ստացել: Բայց ուզում եմ ընդգծել հետեւյալը. ես իմ բոլոր հանդիպումներում ընդգծում եմ, որ ժողովրդավարությունը մեզ համար արտաքին քաղաքական կողմնորոշում չէ, այլ արժեքային համակարգ: Եվ հույս ունեմ, որ Եվրամիությունում էլ, մասնավորապես, հենց այդպես են ընկալում իրավիճակը: Ես ասում եմ, որ քանի որ ժողովրդավարությունը մեզ համար համոզմունք է եւ արժեքային համակարգ է, ես որեւէ կասկած չունեմ, որ մենք ժողովրդավարական բարեփոխումները մինչեւ վերջ կտանենք, եւ հաջողություն կարձանագրվի: Վերադարձ նախկին ռեժիմին չի լինի, ես դա բացառում եմ միանշանակ: Ես նաեւ ընդգծում եմ, որ մենք, իհարկե, մեր միջազգային գործընկերների աջակցությամբ շատ ավելի արագ կարող ենք իրականացնել այդ բարեփոխումները, բայց մենք հայցորդի կամ խնդրարկուի կարգավիճակում չենք: Ըստ էության՝ մենք մեր անելիքները գիտենք, մեր գործընկերները պետք է ճշտեն իրենց անելիքները»,- նշել է ՀՀ վարչապետը:

Նիկոլ Փաշինյանի խոսքով՝ ժողովրդական հեղափոխությունից հետո մենք Եվրամիությունից լսել ենք բազմաթիվ հայտարարություններ, ողջունող հայտարարություններ, բայց, ըստ էության, քաղաքականության մեջ առայժմ որեւէ շոշափելի փոփոխություն չկա:

«Այսինքն՝ Եվրամիության քաղաքականությունը նույնն է, ինչ 4 ամիս առաջ, 3 ամիս առաջ: Եվ ես ուղղակի հարցն այսպես եմ ձեւակերպում, որ սա մենք արձանագրում ենք եւ կարծում ենք, որ կա՛մ պետք է այդ հայտարարությունների ոգեւորված տոնայնությունն իջեցնել, կա՛մ քաղաքականությունն էականորեն փոխել»,- ընդգծել է Նիկոլ Փաշինյանը:

Ինչ վերաբերում է ՆԱՏՕ-ի հետ հարաբերություններին, որի գագաթնաժողովի շրջանակում էլ վարչապետը Բրյուսելում էր. Փաշինյանի խոսքով՝ պատրաստակամություն ենք հայտնել շարունակել Հյուսիսատլանտյան դաշինքի հետ համագործակցությունը, իսկ կոնկրետ ի՞նչ նախագծերի շրջանակում՝ պարզ կլինի հետագա հարաբերությունների ընթացքում:

«Այս պահին մենք ՆԱՏՕ-ի հետ միասին երկու առաքելություն ենք իրականացնում՝ Կոսովոյում եւ Աֆղանստանում, մենք մեր մասնակցությունը շարունակելու ենք այդ ծրագրերին: Հետագա ծրագրեր եթե լինեն, դրանք առանձին կքննարկվեն: Ինչու եմ ասում՝ եթե լինեն, որովհետեւ փաստ չէ, որ ՆԱՏՕ-ն հետաքրքրված է այդ համագործակցության ընդլայնմամբ: Մենք չունենք որեւէ կաշկանդվածություն որեւէ նախագիծ, համագործակցություն քննարկելու, եւ բոլոր հարցերը քննարկելու ենք բացառապես Հայաստանի ազգային շահերի համատեքստում»,- հավելել է վարչապետը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Մեկնարկում է ԵՄ «Թումո» ինժեներական եւ կիրառական գիտությունների համալիր ծրագիրը
ԵՄ-ն հայտարարել է ամրապնդում է աջակցությունը կրթական ոլորտին՝ հանուն Հայաստանի երիտասարդների...
Ռուսաստանը սպառնացել է պատասխանել ԵՄ նոր պատժամիջոցներին
Մարտի 15-ին Եվրամիության երկրները Կերչի նեղուցի միջադեպի պատճառով նոր պատժամիջոցներ էին կիրառել ութ ռուսաստանցիների դեմ...
Օրբան. Հունգարիայի ժողովուրդը նոր առաջնորդներ է ուզում Եվրոպայի համար
Եվրոպայում ազատ կյանք չի լինի առանց քրիստոնեական մշակութի, ասել է Վիկտոր Օրբանը...
Եվրախորհրդարանը կոչ է անում դադարեցնել ԵՄ-ին Թուրքիայի անդամակցության գործընթացը
Օրենսդիրներն ընդունել են, որ ԵՄ-ն, որպես ՆԱՏՕ-ում իր դաշնակցի, վստահում է Թուրքիային․․․
Ավստրիայի կանցլերը կոչ է արել պարզեցնել ԵՄ որոշումների ընդունման գործընթացը
Ներկայում ԵՄ որոշումներն ընդունվում են միաձայնության սկզբունքով․․․
ԱՄԷ-ն դատապարտել է Եվրամիությանը երկիրը հարկային սեւ ցուցակ մտցնելու համար
Սա արվել է՝ չնայած ԱՄԷ եւ ԵՄ սերտ համագործակցությանն այս հարցում...