Ոստիկանության կողմից հուլիսի 12-ից 13-ը բացահայտվել է հանցագործության 46 դեպք։
Ոստիկանության լրատվական ծառայությունից NEWS.am-ին հայտնում են, որ մասնավորապես բացահայտվել է մարմնական վնասվածք հասցնելու 17, խարդախության 9, անձնական ունեցվածքի գողության 6, բնակարանային գողության և յուրացման կամ վատնման 3-ական, կաշառակերության ու պաշտոնեական լիազորությունների չարաշահման 2-ական, անձի առևանգման, խուլիգանության, որսագողության և իշխանության ներկայացուցչի նկատմամբ բռնության 1-ական դեպք։
Գրանցվել է զենք-զինամթերքի կամավոր հանձնման 3 դեպք։
Նախկինում կատարված հանցագործություններից բացահայտվել է մարմնական վնասվածք հասցնելու 1 դեպք:
Անցած 1 օրվա ընթացքում հանրապետությունում արձանագրվել է ճանապարհատրանսպորտային 11 պատահար, ինչի հետևանքով 16 մարդ ստացել է տարբեր աստիճանի մարմնական վնասվածքներ:
