News
Լրահոս
News
Չորեքշաբթի
Նոյեմբեր 21
Տեսնել լրահոսը

Տեղեկատվական տեխնոլոգիաների ոլորտում Հայաստանի առաջնահերթ խնդիրն ինժեներական կրթությունն  է, նորագույն տեխնոլոգիաների յուրացումն ու դրանց հիմքի վրա նորարարական լուծումների ձեւավորումը։ NEWS.am-ի թղթակցի հետ զրույցում նման կարծիք հայտնեց ՀՀ տրանսպորտի, կապի եւ ՏՏ նախարարի առաջին տեղակալ Հակոբ Արշակյանը։

Նրա խոսքով՝ Հայաստանում անհրաժեշտ է ավելացնել նորարարական ընկերությունների թիվը, որոնք իրենց հետ երկիր կբերեն նոր տեխնոլոգիաներ, կյուրացնեն եւ կսովորեցնեն մյուսներին։ Ընդ որում՝ դրանք կարող են լինել ինչպես արտասահմանյան, այնպես էլ տեղական ընկերություններ, որոնք ուղղորդված են դեպի արտահանում։

«Մենք լուրջ խնդիրներ ունենք բարձր տեխնոլոգիաների արտադրության հետ կապված, քանի որ չենք կարողանում լաբորատորիայից արդյունավետորեն դուրս գալ արտադրություն, եւ դա բազմաթիվ պատճառներ ունի՝ ե՛ւ օբյեկտիվ, ե՛ւ սուբյեկտիվ, մասամբ՝ նաեւ քաղաքական»,- նշեց փոխնախարարը։

Նա նաեւ հավելեց, որ հայկական ՏՏ ընկերությունները պետք է լայնորեն ներկայացված լինեն կառավարման ոլորտում, այսինքն՝ թվայնացման եւ կիբերանվտանգության ապահովման գործընթացում, որ կարողանան յուրացնել այդ տեխնոլոգիաները եւ փորձարկել:

«Սրա հետ մեկտեղ՝ ներքին շուկայի ընկերությունները գերադասելի են, քանի որ դրանք կապահովեն արագ եւ դինամիկ տեխնիկական աջակցություն, նոր տարբերակների ստացում եւ ուղղակիորեն դրանց պարտավորություններն ավելի շատ կլինեն»,- հավելեց Հակոբ Արշակյանը։ Այդպիսի ընկերությունները, նրա խոսքով, Հայաստանում շատ են: Դրանց թվում կան այնպիսիք, որոնք լավ լուծումներ ունեն՝ ինչպես մշակման, այնպես էլ կիրառման փուլում։ «Եվ դա պետք է կրի շարունակական բնույթ»,- նկատեց նախարարի տեղակալը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
iOS-ի համար Google Photos-ում երկար սպասված գործառույթներ են ավելացրել
Ավելի վաղ այդ գործառույթը հասանելի էր միայն Android սարքերի համար...
Facebook-ում եւ Instagram-ում խափանումներ են տեղի ունեցել
Դրանք զգացվել են ողջ աշխարհում․․․
Առաջին արբանյակային Android հեռախոսը վաճառքի կհանվի
Որպես օպերացիոն համակարգ արտադրողը որոշել է օգտագործել անցյալ տարիների Android 7 Nougat–ը...
Երեւանում նոյեմբերի 24-ին կանցկացվի ArmSec 2018 համաժողովը եւ հաքերային Capture the Flag մրցույթը
Բացառված չէ, որ այս տարի մրցույթին կգա նաեւ ԱԱԾ թիմը...
Instagram–ը կջնջի ավտոմատ կերպով արված հավանումներն ու մեկնաբանությունները
Հաշիվների տերերին կառաջարկվի փոխել գաղտնաբառը, որպեսզի կողմնակի հավելվածները այլեւս հնարավոր չլինի նշված նպատակով կիրառել...
Շվեյցարիական հյուրանոցներում «ինստագրամ-դայակներ» կհայտնվեն
Ծառայությունը հասանելի է Ibis-ի 17 հյուրանոցներում Ցյուրիխում ու Ժնեւում․․․
Partner news