News
Լրահոս
News
Երկուշաբթի
Փետրվար 18
Տեսնել լրահոսը

2018թ. հունիսի 28-ին ՀՀ քննչական կոմիտեի ԶՔԳՎ չորրորդ կայազորային քննչական բաժնի վարույթ է ընդունվել ՀՀ ոստիկանության զորքերի N զորամասի հրամանատարի կողմից պաշտոնեական դիրքն օգտագործելով յուրացում կատարելու դեպքի առթիվ ԱԱԾ-ում հարուցված քրեական գործը եւ ձեռնարկվել անհրաժեշտ միջոցառումներ՝ դեպքի հանգամանքները պարզելու ուղղությամբ:

ՀՀ ՔՆնչական կոմիտեից NEWS.am-ին հայտնում են, որ քննությամբ պարզվել է, որ ոստիկանության օրվա կապակցությամբ՝ ՀՀ ՈԶ N զորամասի անձնակազմը պետք է պարգեւատրվեր մինչեւ մեկ պաշտոնական դրույքաչափով:

Տեղեկանալով այդ մասին՝ զորամասի հրամանատարը ֆինանսական ծառայության պետին հայտնել է զորամասի թվով 8 ենթասպաների անուններ՝ առավել բարեխիղճ ծառայելու համար 93.000 դրամ գումարի չափով դրամական պարգեւավճարներ տալու նպատակով։

Ձեռք բերված փաստական տվյալների համաձայն՝ մայիսի սկզբին, երբ փոխանցվել են նշված գումարները, գնդապետն իր վարորդին փոխանցել է, որ վերջինից, միաժամանակ մնացած ենթասպաներից, ում 93.000 դրամ է փոխանցվել, անհրաժեշտ է հավաքել 52.000-ական դրամ գումար եւ փոխանցել իրեն՝ պատճառաբանելով, թե, իբր, տեղի է ունեցել սխալմունք եւ նրանք պետք է պարգեւատրվեին 41.000-ական դրամ գումարով: Հաջորդ օրը, վարորդը գնդապետին է փոխանցել հավաքված ընդհանուր 416.000 դրամ գումարը:

12.07.2018թ. գնդապետի նկատմամբ որպես խափանման միջոց է կիրառվել չհեռանալու մասին ստորագրությունը, եւ վերջինս հարցաքննվել է ՀՀ քրեական օրենսգրքի 178-րդ հոդվածի 2-րդ մասի 1.1 կետով նախատեսված՝ պաշտոնեական դիրքն օգտագործելով խարդախություն կատարելու կասկածանքի շուրջ:

Քրեական գործով նախաքննությունը շարունակվում է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իսլամական բլոգերին կալանել են մոսկովյան ռեստորանի վրա հարձակում գործելու համար
Հարձակման ժամանակ Միրզեխանովն ու իր չորս ընկերները տրավմատիկ զենքից մի քանի անգամ կրակ են արձակել եւ վնասվածքներ հասցրել այցելուներից մեկին…
Ռուս դեռահասները ծեծել են հաշմանդամին սոցցանցում գրառման համար
Ծեծկռտուքը նախաձեռնել էր տուժողի համադասարանցին, որը չէր հավանել նրա ինքնավստահ գրառումը…
Թմրանյութ պահելու եւ օգտագործելու կասկածանքով բերման է ենթարկվել Հանրային հեռուստաընկերության հաղորդավարը
Փաստի առթիվ ոստիկանության կենտրոնական բաժնի հետաքննչական...
Դաժան ծեծի հետեւանքով ծայրահեղ ծանր վիճակում 33-ամյա տղամարդ է հոսպիտալացվել
Փաստի առթիվ ոստիկանության Էրեբունու բաժնի հետաքննչական բաժանմունքում...
Վաճառողը բեմադրել է գողություն, USB լարով իր պարանոցին հետքեր թողել. Ոստիկանություն
Սպարտակ Մաթևոսյանը տվել է ինքնախոստովանական ցուցմունք...
Մոսկվայում տեղի է ունեցել զանգվածային ծեծկռտուք կրակոցներով
Ականատեսների խոսքերով՝ ծեծկռտուքում մասնակցել է շուրջ 20 մարդ…
Ամենաշատ