News
Լրահոս
News
Ուրբաթ
Մարտ 29
Տեսնել լրահոսը

Շուրջ մեկ ամիս շարունակ Վայոց ձորի մարզի Շատին համայնքի եւ հարակից գյուղի բնակիչները շրջափակված են պահում համայնքապետարանի շենքը՝ պահանջելով Եղեգիս խոշորացված համայնքի ղեկավար Արթուր Ստեփանյանի հրաժարականը: Նշենք, որ համայնքապետարանի շենքը Շատին գյուղում է:

Գյուղացիները հրաժարականի պահանջի մի շարք պատճառներ են նշում. մատնացույց են անում համայնքապետի կողմից կատարված չարաշահումները, ուռճացված հաստիքացուցակները, գյուղի ջուրը ՀԷԿ-ին տալը, մանկապարտեզի շենքի շինարարությունը կիսատ թողնելը եւ այլն:

«Գնալու եմ կառավարության շենքի մոտ՝ հացադուլ հայտարարեմ, մինչեւ ինքը հրաժարական չտա»,- այսօր տեղի ունեցած հավաքի ժամանկ հայտարարեց ակցիայի մասնակիցներից Ավետիք Սմբատյանը:

Գյուղացիներից մեկն էլ հայտարարեց, թե ամաչում է, որ Արթուր Ստեփանյանի նման համագյուղացի ունի:

Շուրջօրյա հսկողություն սահմանելով համայնքապետարանի շենքի տարածքում՝ շատինցիներն անցկացնում են հավաքներ, որոնց ընթացքում ավագանու անդամները, ակտիվիստները եւ գյուղի բնակիչները հանդես են գալիս ելույթներով:

Նշենք, որ գործող գյուղապետը երբեւէ չի փորձել հանդիպել համայքնի բնակիչների հետ եւ խոսել ստեղծված իրավիճակի մասին:

Տպել
Ամենաշատ