Վստահ եմ, որ հիմա Հայաստանում տեղի ունեցող փոփոխությունները երկրի համար նոր հեռանկարներ են բացում:
Այս մասին Ֆրանսիայի ազգային տոնին նվիրված ընդունելությանը նշեց Հայաստանում Ֆրանսիայի արտակարգ եւ լիազոր դեսպան Ջոնաթան Լակոտը:
«Ես կցանկանայի, որ էլեկտրական էներգիան, որ այս գարնանը կար Հայաստանում, կարողանա էլեկտրական խթան հաղորդել նաեւ Ֆրանսիայի եւ Հայաստանի հարաբերությունների զարգացմանը»,- հայտարարեց դեսպանը:
Նրա խոսքով՝ Ֆրանկոֆոնիայի գագաթնաժողովը, որն այս տարվա հոկտեմբերին անցկացվելու է Երեւանում, Հայաստանի համար Ֆրանկոֆոնիայի աշխարհն իր համար բացահայտելու բացառիկ հնարավորություն է:
Նա նաեւ ընդգծեց Հայաստան Ֆրանսիայի նախագահ Էմանուել Մակրոնի պետական այցի կարեւորությունը:
Միջոցառմանը ելույթ ունեցավ Հայաստանի ԱԳ նախարար Զոհրաբ Մնացականյանը: Նա ազգային տոնի առիթով շնորհավորեց հավաքվածներին եւ նշեց Հայաստանի ու Ֆրանսիայի հարաբերությունների հատուկ բնույթը: Մնացականյանը շեշտեց, որ Ֆրանսիան մշտապես Հայաստանին աջակցություն է ցուցաբերում՝ լինի դա ղարաբաղյան հակամարտության հարցը, Հայոց ցեղասպանության, ԵՄ-ի հետ Հայաստանի հարաբերությունների կամ երկրի զարգացման:
ԱԳ նախարարը նշեց, որ այս տարին երկու երկրների հարաբերությունների համար խորհրդանշական կլինի:
Միջոցառմանը մասնակցել են դիվանագետներ, խորհրդարանականներ, կառավարության անդամներ եւ բազմաթիվ հյուրեր:
Նշենք, որ Ֆրանսիայից ժամանած մանկական երգչախումբը կատարեց 2 երկրների օրհներգը:
