Աֆղանստանի մայրաքաղաքում մահապարտի մասնակցությամբ ահաբեկչական հարձակման հետեւանքով 7 մարդ է զոհվել, 15-ը մարդ վիրավորվել է, հաղորդում է «ՌԲԿ»-ն՝ վկայակոչելով Reuters-ը: Պայթյունը տեղի է ունեցել Գյուղատնտեսության զարգացման նախարարության մոտ, երբ գերատեսչության աշխատակիցները դուրս էին գալիս շենքից:
Քաբուլի ոստիկանության ներկայացուցիչ Հաշմաթ Սթանեքզայի խոսքով՝ մահացածների մեծ մասը աշխատում էին գերատեսչությունում: Նա նշել է, որ որեւէ խմբավորում պատասխանատվություն չի ստանձնել տեղի ունեցածի համար:
