Մոտ 2 տասնյակ քաղաքացիներ այսօր՝ հուլիսի 16-ին, հավաքվել են Երեւանի քաղաքապետարանի մոտ՝ իրենց աջակցությունը հայտնելու քաղաքապետի միակ թեկնածու Զարուհի Փոստանջյանին:
NEWS.am-ի թղթակիցը հաղորդում է, որ քիչ անց կմեկնարկի ավագանու նիստը, որին ըստ էության կմասնակցի միայն «Երկիր Ծիրանի» խմբակցությունն իր 3 անդամով: ՀՀԿ-ն ու «Ելք»-ը հայտարարել են, որ քաղաքապետի թեկնածու չեն առաջադրելու եւ չեն մասնակցելու այսօրվա նիստին:
Մեզ հետ զրույցում ցույցի մասնակիցներից Գագիկ Սարուխանյանն ասաց, որ ճիշտ կլինի՝ Զարուհի Փոստանջյանն ընտրվի քաղաքապետ՝ այսպիսով նոր շունչ հաղորդելով մայրաքաղաքին: Նշենք, որ այստեղ են նաեւ մի խումբ ազատամարտիկներ Վոլոդյա Ավետիսյանի գլխավորությամբ: