Փարիզի կենտրոնում ֆուտբոլի ԱԱ-2018-ում Ֆրանսիայի հավաքականի հաղթանակը նշելիս ոստիկանության եւ երկրպագուների միջեւ բախումներ են գրանցվել, հայտնում է BFMTV-ն: Անհայտ անձինք ավերել են Ելիսեյան դաշտերում մի քանի խանութների ցուցափեղկերը: Խուլիգանները ցանկացել են մտնել սուպերմարկետ՝ ոգելից ձեռք բերելու համար:
Ոստիկանությունն արցունքաբեր գազ է կիրառել: Մի քանի միջադեպեր են տեղի ունեցել նաեւ հաղթական կամարի մոտ: Իրավապահ մարմինները բազմությանը ցրել են ջրցան հատուկ տեխնիկա կիրառելով:
Կիրակի Ֆրանսիայի հավաքականը ԱԱ-2018-ի եզրափակիչում 4:2 հաշվով հաղթել էր Խորվաթիայի հավաքականին: Թիմը կրկնել է 1998 թվականի հաջողությունը եւ դարձել աշխարհի կրկնակի չեմպիոն: