Վայոց ձորի մարզում Գարեգին Բ Ամենայն հայոց կաթողիկոսի տեղաշարժը խոչընդոտելու միջադեպը ոստիկանությունն ուսումնասիրել է:
Ոստիկանությունից հայտնում են, որ ՀՀ ոստիկանապետ Վալերի Օսիպյանի հրամանով Ոստիկանության ներքին անվտանգության վարչությունում ծառայողական քննություն է սկսվել:
Ավելի վաղ NEWS.am-ը հայտնել էր, որ հուլիսի 14-ին, Գարեգին Բ Ամենայն Հայոց Կաթողիկոսը ուխտի էր մեկնել Գնդեվանք (Վայոց Ձորի թեմ), որտեղ «Նոր Հայաստան, նոր Հայրապետ» նախաձեռնության անդամներն արգելափակել են Վեհափառ Հայրապետի տեղաշարժը: Երկար ժամանակ Գարեգին Բ-ին չէր հաջողվում շարունակել ճանապարհը: Ի վերջո, ոստիկաններին հաջողվել էր բացել ճանապարհը:
Նախօրեին ՀՀ վարչապետ Նիկոլ Փաշինյանը ֆեյսբուքի ուղիղ եթերում հայտարարել էր, որ այդ միջադեպի ժամանակ ոստիկանների գործողություններից դժգոհ է:
«Գարեգին Բ-ն շրջափակված է Վայոց Ձորում, նրան վտանգ է սպառնում». Տեր Վահրամ քահանա Մելիքյան