News
Լրահոս
News
Չորեքշաբթի
Մարտ 27
Տեսնել լրահոսը

ԱՄՆ պետքարտուղար Մայքլ Պոմպեոն հուլիսի սկզբին Փհենյան այցի ժամանակ Հյուսիսային Կորեային մեղադրել է ուրանի հարստացման գաղտնի օբյեկտ օգտագործելու համար, որը գտնվում է Փհենանի մոտ: Այս մասին հայտնել է Yomiuri shimbun պարբերականը՝ վկայակոչելով դիվանագիտական աղբյուրներին:

Նշվում է, որ խոսքը ձեռնարկության մասին է, որի վերաբերյալ հոդվածը հուլիսի 13-ին հրապարակել է The Diplomat-ը: Պարբերականի տեղեկություններով՝ այն տեղակայված է Փհենյանից 20-30 կմ հեռավորությամբ գտնվող Չոլիմա քաղաքում:

Ինչպես պնդում է պարբերականը, որը միջուկային ոլորտի մասնագետների հետ համատեղ հետաքննություն է անցկացրել, իրենց նկարագրած համալիրը գործում է նվազագույնը 10, հնարավոր է՝ 15 տարի: Դրանից բացի, դրա արտադրողականությունը կարող է 2 անգամ ավելին լինել, քան Յենբեն միջուկային կենտրոնում, որտեղ տեղակայված է ուրանի հարստացման գոծարանը եւ 5 ՄՎտ հզորությամբ ռեակտորը, որը 1986 թվականին կառուցել են Հյուսիսային Կորեայի մասնագետները: Փորձագետների գնահատմամբ Յենբենում մեկ տարում կարելի է ստանալ բավականաչափ նյութ մի քանի միջուկային լիցքեր պատրաստելու համար:

Չոլիմյան համալիրի գլխավոր շենքը, որը կոչվաում է Կանսոն, ունի 110 մետր երկարություն եւ մոտ 50 մետր լայնություն: Ենթադաբար, այստեղ գտնվում են գազային ցենտրիֆուգեր, որոնք օգտագործվում են ուրանի իզոտոպերի տրոհման պրոցեսում: Արբանյակային լուսանկարների վերլուծությունը ցույց է տալիս, որ օբյեկտը տրանսպորտային լավ հասանելիություն ունի՝ այն գտնվում է Հյուսիսային Կորեայի կենտրոնական մայրուղուց ընդամենը 1 կմ հեռավորությամբ, որը Փհենյանը կապում է  Դեղի ծովի ափին Նամպհո նավահանգստի հետ: Համալիրը շրջապատված է պատով, դրա մեջ մտնում են նաեւ մի քանի օժանդակ շենքեր, որտեղ, հնարավոր է, բնակվում են գիտնականները, տեխնիկական մասնագետները եւ այլ աշխատակիցներ:

Ձմռանը արբանյակներից կատարված լուսանկարներում երեւում է նաեւ, որ կենտրոնի գլխավոր շենքի տանիքը երբեք ձյունով ծածկված չէ, ինչը վկայում է մեծ քանակությամբ ջերմություն արտադրող հզորությունների մասին: Շահագործման հանձնելու պահից այս համալիրը մի քանի անգամ հայտնվել է հյուսիսկորեական լրատվամիջոցների ռեպորտաժներում, որոնք ակտիվորեն լուսաբանում էին երկրի ղեկավարության այցելությունները ռազմավարական ձեռնարկություն: Ամերիկացի փորձագետների կարծիքով՝ սա վկայում է օբյեկտի մեծ գաղտնիության եւ Հյուսիսային Կորեայի պաշտպանական ոլորտի համար դրա կարեւորության մասին:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հյուսիսային Կորեայի ներկայացուցիչները լքել են Հարավային Կորեայի հետ կապի գրասենյակը
Որոշումն ընդունվել է «ավելի բարձր մակարդակի ցուցումով»…
ԱՄՆ ազգային հետախուզության տնօրենը Հարավային Կորեայում է
Դենիել Քոութսը Սեուլում է...
Վաղ է խոսել, թե Փհենյանը պատրաստվում է հրթիռ արձակել. Հարավային Կորեայի պաշտպանության նախարար
Առայժմ վաղ է խոսել, այն մասին, թե Փհենյանը պատրաստվում է հրթիռ արձակել...
Փհենյան. ԱՄՆ-ը պետք է վերանայի բանակցությունների շարունակման իր «հաշվարկների մեթոդը»
Մենք ԱՄՆ-ի հետ նոր բանակցություններ ներկա պահին չենք նախատեսում, ասել է Հյուսիսային Կորեայի փոխարտգործնախարարը...
ԱՄՆ-ում նշել են Հյուսիսային Կորեայի միջուկային լիցքաթափման ժամկետը
Հյուսիսային Կորեայի միջուկազերծման ուղղությամբ աշխատանքները շարունակվում են...
Թրամփը հավատում է Կիմ չեն Ընի խոսքին՝ նա չի իմացել ամերիկացի ուսանողի կտտանքների մասին
Վարմբիերը Օհայոյից էր եւ սովորում էր Վիրջինիայի համալսարանում․․․
Ամենաշատ