Ֆրանսիայում 2018 թվականի Աշխարհի առաջնությունում ազգային հավաքականի հաղթանակը տոնելիս երկու մարդ է զոհվել, կան ծանր վիրավորներ, հայտնում է «Սովետսկի սպորտ»-ը:
Le Monde-ի տվյալներով՝ Անիսի քաղաքում 42-ամյա մի տղամարդը ցատկել է ջրի ցածր մակարդակ ջրանցքի մեջ: Նա հարվածել է գլուխը եւ մահացել: Մահացու ելքով մյուս միջադեպը տեցի է ունեցել Սեն-Ֆելիքսում, որտեղ տղամարդը, տոնելով իր հավաքականի հաղթանակը, ավտոմեքենայով բախվել է ծառին:
Հայտնի Է դարձել նաեւ Սեն Ժեուարից կնոջ մասին, որը, նշելով Ֆրանսիայի հավաքականի հաղթանակը, ընկերների հետ տրակտորով շրջելիս ընկել է գետնին: Կինը հայտնվել է տրակտորի անիվների տակ եւ այժմ ծայրահեղ ծանր վիճակում գտնվում է հիվանդանոցում:
Նշվում է, որ զանգվածային անկարգություններ են տեղի ունեցել ամբողջ Ֆրանսիայում: Ոստիկանությունը ստիպված է եղել արցունքաբեր գազ եւ ջրցաններ օգտագործել, տասնյակ մարդիկ ձերբակալվել են:
