Պատմության մեջ բազմաթիվ դեպքեր են եղել, երբ պատերազմն աշխարհում սկսվել է խելագարության պատճառով: Եվ եթե Բաքուն վերսկսի պատերազմը Լեռնային Ղարաբաղում, ապա դա խելագարություն կլինի: Այս մասին հուլիսի 16-ին լրագրողների հետ հանդիպման ժամանակ ասաց նախկին պատգամավոր Ազատ Արշակյանը:
Նրա կարծիքով՝ եթե Բաքուն վերսկսի ռազմական գործողությունները, ապա դա կործանարար հետեւանքներ կունենա եւ հատկապես՝ այն հայտարարություններից հետո, որոնք արվել են Եվրոպայում, Եվրասիական տնտեսական միությունում եւ Հավաքական անվտանգության պայմանագրի կազմակերպությունում: «Եթե պատերազմ սկսվի, ապա Ադրբեջանը կկորցնի Նախիջեւանը, քանի որ Բաքուն Հայաստանի հետ պատերազմի համար բավարար ռազմական ներուժ չունի, եւ Հայաստանն իր դաշնակիցների հետ միասին հաղթանակ կտանի այս պատերազմում»,- վստահություն հայտնեց Արշակյանը: