ՌԴ եւ ԱՄՆ նախագահներ Վլադիմիր Պուտինի եւ Դոնալդ Թրամփի նեղ կազմով հանդիպումը, որը տեւել է 2 ժամ 10 րոպե, ավարտվել է, հայտնում է «ՌԻԱ Նովոստի»-ն:
Նախապես արձանագրությամբ դեմ առ դեմ հանդիպմանը հատկացված էր 1,5 ժամ:
Այնուհետեւ, ըստ ժամանակացույցի, տեղի կունենան ընդլայնված կազմով բանակցությունները, որը, պայմանավորվածության համաձայն, կտեւի 1 ժամ 45 րոպե:
Հելսինկիում գագաթնաժողովը Պուտինի եւ Թրամփի առաջին լիամասշտաբ հանդիպումն է բազմակողմ միջազգային համաժողովների շրջանակից դուրս: Այն ընթանում է Ֆինլանդիայի մայրաքաղաքի կենտրոնում գտնվող նախագահական պալատում:
