Մոսկվան եւ Վաշինգթոն անհրաժեշտ բոլոր գումարելիներն ունեն Սիրիայի ճգնաժամի կարգավորման շուրջ համագործակցության համար եւ կարող են առաջատարությունը ստանձնել Սիրիայում հումանիտար ճգնաժամի հաղթահարմանն աջակցության հարցում: Այս մասին հայտարարել է ՌԴ նախագահ Վլադիմիր Պուտինը ԱՄՆ նախագահ Դոնալդ Թրամփի հետ բանակցությունների արդյունքներով տեղի ունեցած մամուլի ասուլիսում, փոխանցում է ՏԱՍՍ-ը:
Նրա խոսքով՝ Ռուսաստանը եւ Միացյալ Նահանգներն, անկասկած, կարող են այս հարցում առաջատարությունը ստանձնել եւ հումանիտար ճգնաժամի հաղթահարման փոխգործակցություն կազմակերպել, օգնել իրնց հայենի օջախներ փախստականների վերադարձին:
Նա նաեւ նշել է, որ Մոսկվան շահագրգռված է, որպեսզի Սիրիայում կարգավորման ժամանակ հաշվի առնվեն Իսրայելի շահերը: Նա նշել է, որ Սիրիայի հարավում ահաբեկիչներին ջախջախելուց հետո Գոլանի բարձունքներում իրավիճակը «պետք է լիովին համապատասխանի իսրայելական եւ սիրիական զորքերի բաժանման մասին 1974 թվականի համաձայնագրին», ինչը թույլ կտա վերադարձնել տարածաշրջանի անդորրը եւ հուսալիորեն ապահովել Իսրայելի անվտանգությունը:
«Պարոն նախագահը [Թրամփը] այսօր այս հարցին հատուկ ուշադրություն է դարձրել: Ցանկանում եմ հաստատել, որ Ռուսաստանը շահագրգռված է նման զարգացմամբ եւ կհետեւի հենց այսպիսի դիրքորոշման»,- ասել է Պուտինը: