News
Լրահոս
News
Չորեքշաբթի
Մարտ 27
Տեսնել լրահոսը


Հայաստանի Ազգային ժողովում Ընտրական օրենսգրքի փոփոխությունների հարցով ԱԺ 4 ուժերի ներկայացուցիչներից կազմված աշխատանքային խումբն այսօր՝ հուլիսի 17-ին իր հերթական նիստն է անցկացնում:

Նշենք, որ այսօրվա նիստի օրակարգում լինելու է ընտրական համակարգի մոդելի քննարկումը: Կառավարությունը եւ «Ելք»-ը հանդես են գալիս միասնական համամասնական ցուցակներով ընտրակարգի օգտին, որի ժամանակ ընտրողը այդ ցուցակներում փոփոխություն անել չի կարող: «Ծառուկյան» դաշինքը եւս կողմ է այս ընտրակարգին:

ՀՅԴ-ն նույնպես մաքուր համամասնական ընտրակարգի կողմնակից է, սակայն ցանկանում է, որ այդ ցուցակները ընտրողը կարողանա այդ ցուցակից ընտրել իր ցանկալի թեկնածուին, ինչով ցուցակում հերթականության փոփոխություն կարող է լինել:

ՀՀԿ-ն, թեեւ դեռ հրապարակային իր վերջնական դիրքորոշումը չի հայտնել, սակայն առանձին հայտարարություններում նշվել է, որ չի կարելի հրաժարվել տարածքային ցուցակներից, քանի որ այդ դեպքում մարզերից պատգամավորներ չեն ընտրվի, բոլորը կլինեն Երեւանից:

Նշենք, որ նախորդ նիստերում իրենց առաջարկներն են ներկայացրել խորհրդարանական բոլոր 4 ուժերի ներկայացուցիչները, ինչպես նաեւ վարչապետին կից ընտրական բարեփոխումների հարցերով հանձնաժողովի քարտուղար Դանիել Իոաննիսյանը: Վերջինս ներկայացրել է իրենց հանձնաժողովում քննարկված առաջարկները:

Հատկանշական է, որ մինչեւ օրս պարզ չէ, թե այս երկու հանձնաժողովները ընտրական օրենսգրքի երկու առանձին նախագի՞ծ են ներկայացնելու, թե միասնական նախագծի են հանգելու:

Դանիել Իոաննիսյանը հայտարարել է, որ իրենք անպայման նախագիծ են ներկայացնելու, եւ այն առեւտրի առարկա չի լինելու քաղաքական ուժերի հետ:

ԱԺ ուժերի ներկայացուցիչներն էլ պնդում են, որ ճիշտ կլինի միասնական դիրքորոշում ձեւավորել՝ կոնսենսուսի հանգելով:

Վարչապետին կից ընտրական բարեփոխումների հարցերով հանձնաժողովի նախագահ, առաջին փոխվարչապետ Արարտ Միրզոյանը, ով մասնակցել է ԱԺ-ում աշխատանքային խմբի նիստին, նշել է, որ Իդեալական տարբերակում պետք է ունենանք մեկ նախագիծ բոլորիս հետ համաձայնեցված, բոլորիս սրտով, որի առանձին կետերի շուրջ կարող են տարբեր ուժեր որոշակի վերապահումներ ունենալ»: Նա հույս է հայտնել, որ սեպտեմբերին պատրաստ կլինի Ընտրական օրենսգրքի նոր նախագիծը:

Թե ինչպես կհանգուցալուծվի այս թնջուկը, կերեւա ապագայում:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Ապագա գյուղում արտահերթ ընտրություններ կանցկացվեն. ՀՀԿ-ական գյուղապետը հրաժարական է տվել
Սահմանված եռօրյա ժամկետում ես որոշում կկայացնեմ…
ԿԸՀ նախագահ. 2012-ից Հայաստանում ընտրությունների արդյունքների կեղծումներ չեն եղել
Հայաստանում ցանկացած ընտրություն կազմակերպելիս դրանց արդյունքները երբեք նախապես հայտնի չեն եղել, ասել է Տիգրան Մուկուչյանը...
«Ժողովուրդ». Ակունքում հետընտրական կրքերը չեն հանդարտվել. Արյան հետքեր քվեաթերթիկի վրա
Վերահաշվարկի արդյունքում ուշագրավ փաստ է պարզվել...
«Ժամանակ». Թռած է. Ընտրակաշառքի միջոցով հաղթել է ընտրություններում ու հեռացել է Հայաստանից
Ընտրություններից անցել է մեկ շաբաթ, սակայն Մանուկյանը այդպես էլ չի ներկայանում գյուղապետարան...
Տավուշի մարզի Ազատամուտ համայնքի ղեկավարի արտահերթ ընտրությունները կանցկացվեն հունիսին
Որոշման հիմնավորման մեջ նշվում է, որ Ազատամուտ համայնքի ղեկավար Ժորա Մարտիրոսյանը համայնքի ղեկավարի պաշտոնում ընտրվել էր...
ՏԻՄ ընտրություններում գրանցվում են նաեւ իշխանության համար ոչ ցանկալի արդյունքներ. Փաշինյան
Հայաստանում տեղի են ունենում ընտրություններ, որոնց պաշտոնական արդյունքները չեն վիճարկվում եւ սա իսկապես շրջադարձային իրադարձություն է Հայաստանի համար…
Ամենաշատ