Համաշխարհային շուկայում նավթի առաջարկը մեծացնելու ազդանշանները մտավախություն են ներշնչել ներդրողներին եւ հանգեցրել են գնային առաջարկների կտրուկ անկմանը, ընդ որում, WTI էտալոնային տեսակի նավթի համար մոտակա պայմանագիրը նվազել է հիմնական մակարդակից, որը 69.5 դոլար էր կազմում 1 բարելի համար:
ICE Futures բորսայում Brent էտալոնային ապրանքանիշի նավթի սեպտեմբերյան ֆյուչերսները նվազել են 3.57 տոկոսով՝ մեկ բարելի դիմաց 72.64 դոլար: WTI նավթի օգոստոսյան ֆյուչերսները նյույորքյան ապրանքային բորսայում (NYMEX) նվազել են 3.58 տոկոսով՝ մինչեւ 68.47 դոլար մեկ բարելի դիմաց, հաղորդում է «Ֆինմարկետ»-ը:
Շուկայի մասնակիցները մտահոգված են Սաուդյան Արաբիայի արտահանման աճով եւ հետագա գների բարձրացումը կանխելու նպատակով ԱՄՆ-ի կողմից նավթի ռազմավարական ռեզերվից օգտվելու ցանկությամբ:
