Հուլիսի 16-ին Երեւան քաղաքի բնակիչ 32-ամյա Ռ. Դ-ն դիմել է ոստիկանության Մարտունու շրջանային բաժին այն մասին, որ իր տատը` Մարտունի քաղաքի բնակչուհի 81-ամյա Ռ. Դ-ն 2010թ. մարտի 18-ին «Արդշինբանկ» ՓԲԸ Մարտունու մասնաճյուղում որպես ավանդ է ներդրել 2000 ԱՄՆ դոլար եւ 2018թ-ի հուլիսի 16-ին նշված գումարը կուտակված տոկոսադրույքով ստանալու նպատակով դիմել «Արդշինբանկ» ՓԲԸ Մարտունու մասնաճյուղ, սակայն պարզվել է, որ ներդրված ավանդը 2011թ-ից հանված է:
Արցախի ոստիկանությունից NEWS.am-ին հայտնում են, որ ոստիկանության Մարտունու շրջանային բաժնի ծառայողների կողմից ձեռնարկված միջոցառումների արդյունքում պարզվել է, որ Ռ.Դ-ի անվամբ ներդրված 2000 ԱՄՆ դոլար ավանդը առանց նրա իմացության 2011թ-ին հանել է «Արդշինբանկ» ՓԲԸ Մարտունու մասնաճյուղի նախկին գլխավոր հաշվապահ նույն քաղաքի բնակչուհի 49-ամյա Ն. Ե-ն եւ օգտագործել իր անձնական կարիքների համար:
