Եվրամիությունը, Շվեյցարիան եւ ԱՄՆ-ն դիմել են Առեւտրի համաշխարհաին կազմակերպություն՝ բողոքելով Պարսից ծոցի մի քանի երկրների կողմից գազավորված եւ էներգետիկ ըմպելիքների համար գանձվող ակցիզային հարկից, փոխանցում է Reuters-ը։

Սաուդյան Արաբիային, ԱՄԷ-ին եւ Բահրեյնին առաջարկել են հիմնավորել էներգետիկ խմիչքների համար գանձվող 100 տոկոս եւ մյուս գազավորված ըմպելիքների համար՝ 50 տոկոս մաքսատուրքը։

Մաքսատուրքերը սահմանվել են 2017 թվականին։ Պարսից ծոցի երկրները հայտարարել էին, որ դրանք ուղղված են եկամուտների դիվերսիֆիկացիայի եւ առողջ ապրելակերպ քարոզելուն դիաբետի եւ ճարպակալման բարձր մակարդակ ունեցող երկրներում։