ԱՄՆ նախագահ Դոնալդ Թրամփը հայտարարել է, որ ռուսաստանցի պաշտոնակից Վլադիմիր Պուտինի հետ բանակցություններն անցկացրել է «հսկայական ուժի դիրքերից»՝ հաշվի առնելով ԱՄՆ ծաղկող տնտեսությունն ու ուժեղ Զինված ուժերը, հաղորդում է AP-ն:
Նրա խոսքով՝ հանդիպման ընթացքում անդրադարձել են մի շարք հարցերի, այդ թվում՝ Սիրիայում պատերազմին, ինչպես նաեւ Իրանին, Իսրայելին եւ Հյուսիսային Կորեային:
«Ռուսաստանը վստահեցրեց իր աջակցության հարցում, քննարկումները շարունակվում են»,- նշել է Թրամփը: Նա նաեւ նշել է, որ Պուտինը «ներգրավված կլինի» Հյուսիսային Կորեայում միջուկային զենքի ոչնչացման ջանքերում:
