News
Լրահոս
News
Ուրբաթ
Օգոստոս 23
USD
475.99
EUR
526.4
RUB
7.25
ME-USD
0.14
Տեսնել լրահոսը

ՀՀ փոխվարչապետ Տիգրան Ավինյանը հուլիսի 17-ին հանդիպել է Արցախի Հանրապետության պետական նախարար Գրիգորի Մարտիրոսյանի հետ:

ՀՀ փոխվարչապետի գրասենյակից հայտնում են, որ պետնախարարն ընդգծել է, որ իր եւ փոխվարչապետ Տիգրան Ավինյանի համակարգման ոլորտները հիմնականում համընկնում են, եւ դա լավ հնարավորություն է առավել մեծ թափով փոխգործակցելու կոնկրետ ոլորտային խնդիրների շուրջ: Այնուհետեւ կողմերը քննարկել են առանձին ոլորտներում իրականացվող ծրագրերն ու առկա խնդիրները:

Գ․ Մարտիրոսյանը ներկայացրել է Արցախում գյուղատնտեսության ոլորտում իրականացվող ծրագրերը եւ Արցախի կառավարության տեսլականը գյուղատնտեսության ինտենսիվացման, հացահատիկի մշակումից այգեգործության անցման ուղղությամբ: Պետնախարարի խոսքով՝ այս ոլորտում խնդիր է մնում բերքը կարկտահարություններից պաշտպանելու թեման:

Փոխվարչապետը նշեց, որ այդ ուղղությամբ ՀՀ գյուղատնտեսության նախարարությունը որոշակի նոր միջոցներ է ձեռնարկում եւ դրանց իրականացման փուլում կառավարությունը պատրաստ է նաեւ աջակցել Արցախին:

Հաջորդիվ քննարկվել է բնակարանային ապահովման խնդիրը:

Պետնախարարի խոսքով՝ Արցախի կառավարությունը այդ ոլորտում Հայաստանում իրականացվող պետական ծրագրերի ուսումնասիրության, կատարելագործման եւ ներդրման քաղաքականություն է իրականացնում, սակայն էական խնդիր է մնում քաղաքացիների կողմից ոչ կառուցապատողից բնակարանների ձեռքբերման դեպքում պետական աջակցության հարցը: Տիգրան Ավինյանը հաստատել է ՀՀ կառավարության պատրաստակամությունը այս ոլորտում մրցունակ ծրագրեր մշակելու աջակցության հարցում:

Խոսելով էներգետիկայից՝  պետնախարար Գրիգորի Մարտիրոսյանը կարեւորել է, որ Արցախն արդեն վերականգնվող էներգիայի ոլորտում արտադրում է իր սպառման ծավալներին համարժեք էներգիա եւ առաջիկայում՝ նոր հէկերի գործարկումից հետո, նախատեսվում է ունենալ նաեւ արտահանման ենթակա որոշակի ավելցուկային էներգիա: Փոխվարչապետը կարեւորել է վերականգնվող էներգետիկայի զարգացման քաղաքականությունը եւ հետաքրքրվել բնապահպանական խնդիրներով:

Փոխվարչապետը հավաստիացրել է, որ այդ ուղղությամբ գոյություն ունեցող բոլոր ծրագրերը շարունակվելու են եւ նոր թափ են ստանալու:

Խոսելով տնտեսական զարգացման մասին՝ պետնախարարը ընդգծել է, որ բարեգործական ծրագրերն, իհարկե, կարեւոր են, սակայն, առաջխաղացման համար գլխավոր շարժիչ ուժը ներդրումներն են: Փոխվարչապետը այս առումով կարեւորել է տնտեսական մասնագիտացման եւ արտահանման ոլորտում արդյունավետ լուծումներ գտնելու հարցերը: Այս համատեքստում Տիգրան Ավինյանը ընդգծել է, որ կառավարության դիրքորոշումը հետեւյալն է. յուրաքանչյուր ծրագիր, որ իրականացվում է Հայաստանում, պետք է առավելագույնս ներգրավի եւ զարգացնի Արցախի տնտեսությունը:

Եվ վերջում, քննարկելով Արցախ այցելելու հնարավորությունը՝ փոխվարչապետը հայտնել է, որ այս տարվա սեպտեմբերին ընդլայնված պատվիրակությամբ կայցելեն Արցախ՝ տեղում քննարկելու յուրաքանչյուր ոլորտի զարգացման հնարավորությունները:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
Արցախի բանակում շտաբային մարզումներ են անցկացկել. Խաղարկվել են մարտավարական դրվագներ
Որոնց ընդգրկվել են բանակի եւ միավորումների հրամկազմի ներկայացուցիչներն ու կառավարման մարմինները...
Բակո Սահակյանը Ռոբերտ Ամիրխանյանի հետ քննարկել է Արցախի մշակութային ոլորտի հարցերը
Նախագահը երախտագիտություն է հայտնել անվանի կոմպոզիտորին Արցախի նկատմամբ ունեցած հատուկ վերաբերմունքի համար՝ կարեւոր համարելով նրա...
«Ներկայիս իրավիճակն անթույլատրելի է». Բակո Սահակյանը խորհրդակցություն է անցկացրել
Բակո Սահակյանն ընդգծել է մայրաքաղաքի ջրամատակարարման վերականգնման շտաբի գործունեության ակտիվացման եւ Ստեփանակերտի քաղաքապետարանում...
Ժամանակն է Արցախում հայտնաբերել նոր հանքավայրեր եւ դրանք վերամշակել. Սերգեյ Վարդանյան
Նրա խոսքով՝ խնդիրն այն է, որ ԱՀ-ում կան շատ չուսումնասիրված հանքեր...
Բակո Սահակյանը ռուսաստանաբնակ երկրաբան Սերգեյ Վարդանյանի հետ քննարկել է Արցախում հանքարդյունաբերության զարգացման հարցը
Հանդիպմանը ներկա էին ԱՀ պետնախարար Գրիգորի Մարտիրոսյանը, Նախագահի խորհրդական Գրիգորի Գաբրիելյանցը, պաշտոնատար այլ անձինք…
Արցախի ԱԻՊԾ տնօրենն ընդունել է ԿԽՄԿ առաքելության ղեկավարին. քննարկել են բնակչության անվտանգության հարցերը
Վլադիկ Խաչատրյանը, կարեւորելով ԱԻՊԾ-ի եւ Արցախում ԿԽՄԿ-ի միջեւ առկա համագործակցությունը, վստահեցրել է, որ այն շարունակական բնույթ կկրի՝ ներառելով նոր ուղղություններ...
Ֆոտոռեպորտաժներ