Ընթացիկ տարվա դեկտեմբերին Սաուդյան Արաբիայում նախատեսվում է առաջին Մուլտիպլեքսի բացումը: Այս մասին հայտնել է առեւտրի առաջատար օպերատոր եւ Սաուդյան Արաբիայում մանրածախ առեւտրի ու զվարճալիքների ինդուստրիայի ոլորտների հիմնադիր Մաջիթ Ալ Ֆութեյմը, փոխանցում է Arab News-ը:
Մուլտիպլեքսը կկառուցվի Ջիդայի Red Sea Mall առեւտրի կենտրոնում:
Ընկերությունն այս հայտարարությամբ մեկնարկել է Սաուդյան Արաբիայում համաշխարհային դասի զվարճալիքների ինդուստրիայի տարածման ծրագիրը: Մուլտիպլեքսի բացումը VOX կինոթատրոնների ցանցի վերջին՝ 0.53 մլրդ դոլարի ներդրումն է: Այս ծրագրի շրջանակում նախատեսվում է հաջորդ 5 տարիներին ամբողջ թագավորությունում 600 կինոթատրոնների բացում:
Red Sea Mall առեւտրի կենտրոնի ընտրությունը պայմանավորված է արեւմտյան շրջաններում նրա մեծ հանրաճանաչությամբ: