News
Լրահոս
News
Երկուշաբթի
Հունվար 21
Տեսնել լրահոսը

Չորեքշաբթի Եվրահանձնաժողովը Google-ին 4,35 մլրդ եվրոյով տուգանել է ԵՄ-ում ընկերությունների դեմ վարվող հակամենաշնորհային երեք քննություններից ամենակարեւորի շրջանակում՝ Android բջջային սարքերի համար օպերացիոն համակարգերի շուկայում գերակա դիրքի չարաշահման մեղադրանքով, հայտնում է «Ինտերֆաքսը»:

«2011 թվականից Google-ն ապօրինի կերպով սահմանափակել է Android-ով ՕՀ-ով սարքեր արտադրողների եւ բջջային ցանցերի օպերատորների աշխատանքը, որ ամրապնդի համացանցային որոնման շուկայում գերակա դիրքը»,- նշված է ԵՀ հաղորդագրության մեջ:

Տուգանքի գումարը նոր համաշխարհային ռեկորդ է հակամենաշնորհային քննությունների համար, հայտնում է Bloomberg-ը: Այն 2 անգամ քիչ է հնարավոր առավելագույնից՝ 11 մլրդ եվրո կամ 10 տոկոսով Alphabet Inc.-ի՝ Google-ի հոլդինգային ընկերության համաշխարհային շրջանառությունից, սակայն զգալիորեն մեծ է, քան դեռեւս գարնանը կանխատեսում էին վերլուծաբանները:

Եվրահանձնաժողովը Google-ին պարտավորեցրել է 90 օրում դադարեցնել նման «ապօրինի պրակտիկան»՝ հրաժարվելով սմարթֆոն արտադրողների եւ Android-ով աշխատող հավելվածներ մշակողների համար սահմանափակումներից: Պահանջների չկատարմանը կարող են հետեւել ԵՄ նոր տուգանքներ եւ պատժամիջոցներ:

Google-ը հայտարարել է ԵՀ որոշումը բողոքարկելու մտադրության մասին: Նման մոտեցումը վնաս է հասցնում մրցակցությանը եւ կրճատում սպառողական ընտրությունը, կարծում են ԵՀ-ում:

Android օպերացիոն համակարգը տեղադրված է աշխարհում օգտագործվող սմարթֆոնների ավելի քան 80 տոկոսի մեջ:

Android-ի գործը Google-ի դեմ Եվրահանձնաժողովի 3 քննություններից ամենազգայունն ու թանկարժեքն է: Այն առնչվում է ահռելի հատվածի, ինչը ընկերությանը թույլ է տվել իր համար ամուր դիրքեր ստեղծել բջջային սարքերի միջոցով որոնման եւ գովազդի շուկայում:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Facebook-ը սատարելու է արհեստական ինտելեկտի էթիկան ուսումնասիրելու նախագիծը
Հնգամյա ծրագիրը ենթադրում է արհեստական ինտելեկտի տարբեր ասպեկտների ուսումնասիրություն…
Apple-ը կրկին վաճառքի է հանել iPhone SE-ը
Առաջինի դեպքում գինը 250 դոլար է…
Ադրբեջանական հաքերները կոտրել են մոտ 2 հազար հայկական էլ․փոստ եւ ֆբ հաշիվներ. Սամվել Մարտիրոսյան
Հաքերները հայտարարում են, որ 10 հազար հաշիվ են գողացել, բայց խիստ գերագնահատում են իրենց արածը...
Facebook-ը կատակները դիտելու սերվիս է նախագծում
Օգտատերերը կկարողանան ցանցի միջոցով տեսագրություններ եւ անիմացիա դիտել...
WP. Facebook-ին կարող են պարտավորեցնել խոշոր տուգանք վճարել անձնական տվյալներ հաղորդելու համար
Տուգանքի չափը կարող է ռեկորդային լինել...
Դավիթ Տոնոյանի մոտ քննարկել են «Մայքրոսոֆթ»-ի ներկայացրած «Կառավարության անվտանգության ծրագրի» աշխատանքները
Հանդիպման արդյունքում պայմանավորվածություն է ձեռք բերվել հետագա համագործակցության ընդլայնման եւ զարգացման վերաբերյալ...
Ամենաշատ
Ֆոտոռեպորտաժներ