News
Լրահոս
News
Երկուշաբթի
Հոկտեմբեր 22
Տեսնել լրահոսը


Քննիչ Միքայել Զադոյանի եւ փաստաբան Գայանե Գալոյանի մասնակցությամբ կաշառքի գործի անջատված մասով այսօր՝ հուլիսի 18-ին, դատարանում հարցաքննվեց ամբաստանյալ, Քննչական կոմիտեի Էրեբունի եւ Նուբարաշեն վարչական շրջանների քննչական վարչության բաժնի պետի տեղակալ Բունիաթ Եղիազարյանը:

Ըստ մեղադրանքի՝ նա քննիչ Միքայել Զադոյանի հետ նախնական համաձայնությամբ Բաբկեն Գասպարյանի որդու՝ Սոս Գասպարյանի օգտին իրենց լիազորությունների շրջանակում գործողություններ կատարելու դիմաց փաստաբան Գայանե Գալոյանի օժանդակությամբ եւ միջոցով Բաբկեն Գասպարյանից 3 հազար դոլար կաշառք է ստացել: Մեղադրանքի համաձայն՝ Բաբկեն Գասպարյանը գումար է տվել որդուն առաջադրված մեղադրանքը վերաորակելու համար:

Դատարանում Բունիաթ Եղիազարյանը հայտարարեց, որ իրեն առաջադրված մեղադրանքը չի ընդունում. ինքը ոչ կաշառք է վերցրել, ոչ կաշառքի առաջարկ է ստացել, ոչ էլ առհասարակ նման խոսակցություն է եղել:

«Մի անգամ մտել եմ Միքայել Զադոյանի աշխատասենյակ, անծանոթ մարդ էր նստած: Զադոյանը ներկայացրեց, որ Սոս Գասպարյանի հայրն է: Քանի որ գործի նյութերից գիտեի, որ սրտի վիրահատության է ենթարկվել, հարցրի՝ առողջական վիճակը ոնց է: Նա էլ պատասխանեց, թե ոնց պետք է լինեմ, տղաս անմեղ է, շառի մեջ է: Այնուհետեւ մտահոգություն հայտնեց գործի վերաբերյալ, ես էլ ասացի, որ օբյեկտիվ քննություն է լինելու: Հետագայում մի քանի անգամ Բաբկեն Գասպարյանին տեսել եմ միջանցքում, բայց հետը 1-2 անգամ եմ խոսել: Մեկ անգամ էլ նրան իմ աշխատասենյակ եմ հրավիրել, որ միջանցքում չսպասի՝ հաշվի առնելով առողջական վիճակը: Այդ խոսակցության ժամանակ չեմ բացառում, որ ասած լինեմ՝ հանգիստ եղեք, ամեն ինչ լավ կլինի: Այդ խոսքերը քննչական պրակտիկայում ընդունված են, շաբլոնային են, ասում ենք ծնողներին»,- ասաց ամբաստանյալը:

Բունիաթ Եղիազարյանը նշեց, որ քննիչ Միքայել Զադոյանի հետ Սոս Գասպարյանի գործի վերաբերյալ քննարկումները եղել են սովորական ընթացակարգով, ինչպես բոլոր մյուս դեպքերում:

«Զադոյանն իր նախաձեռնությամբ ինձ չի ասել, որ Սոս Գասպարյանի արարքում անհրաժեշտ պաշտպանության տվյալ կամ հատկանիշ կա: Պաշտպանի միջնորդությունը ստանալուց հետո գործը քննարկել եմ Զադոյանի հետ: Սոս եւ Հովհաննես Գասպարյանների ցուցմունքներում կային անհրաժեշտ պաշտպանության մասին փաստական տվյալներ: Եղբայրների եւ դեպքին ականատեսների ցուցմունքներում կային հակասություններ, եղել են առերեսումներ, որից հետո միջնորդությունը մերժվել է: Մեղադրանքի վերաորակման հարցը ես ոչ մեկի հետ չեմ քննարկել, բայց Զադոյանն ինձ ասել է, որ դատախազությունում նույնպես հարցը քննարկել են եւ մտադիր են գործը դատարան ուղարկել Քրեական օրենսգրքի 112-րդ հոդվածի 1-ին մասով»,- պատմեց ամբաստանյալը:

Մեղադրող Արա Մնացականյանի հարցին՝ ինչ է նկատի ունեցել Բաբկեն Գասպարյանին «ամեն ինչ լավ է լինելու» ասելով, քննչական բաժնի պետի տեղակալը պատասխանեց. «Ես գործերով անցնող բոլորի ծնողների, հարազատների հետ էլ զրուցում եմ: Բաբկեն Գասպարյանը սրտի վիրահատություն էր տարել, ասում էր՝ տղաս հանցագործ չի եւ ճարահատյալ հայտարարություններ է արել, ես առնվազն թուրք պիտի լինեի, որ չհուսադրեի, չասեի՝ լավ է լինելու: Բա ի՞նչ ասեի, մի բան պետք է ասեիր, ծնողը եկել էր ինձ մոտ, մի բան պետք էր չէ՞ ասել: Հուսադրող հայտարարություն եմ արել, մարդկայնորեն, մարդասիրական»:

Տպել
Կարդացեք նաև
Ամբողջը
Բրիտանիայում վեցամյա աղջիկը փրկել է մորը հոր դաժան բռնությունից
Տղամարդուն կալանավորելուց հետո կնոջը տեղափոխել են հիվանդանոց․․․
Հնդկաստանի քաղաքացին ոստիկաններին հայտնել է, որ 2 հնդիկ իրեն զրկել են ազատությունից եւ կողոպտել իր 4 հազար եվրոն
Աղբյուրի տեղեկություններով՝ նշված անձինք հետաքննիչի որոշմամբ ստորագրությամբ բաց են թողնվել, իսկ հարուցված քրեական գործը փոխանցվելու է Հայաստանի քննչական կոմիտե…
Երեւանում թալանել են «Բանանց» ակումբի ավագ մենեջերի բնակարանը. գողոնը կազմում է մի քանի միլիոն դրամի ոսկյա զարդեր
Ոստիկանության Մաշտոցի բաժին է դիմել Հալաբյան փողոցի բնակիչ, 26-ամյա Արթուր Ն.-ն եւ հայտնել, որ հոկտեմբերի 20-ի ժամը 19:00-ից մինչեւ հոկտեմբերի 21-ի ժամը 01:15-ն ընկած ժամանակահատվածում…
Հարյուրավոր ամերիկուհիներ գինեկոլոգին մեղադրել են ոտնձգությունների եւ ռասիզմի մեջ
ԱՄՆ-ում 93 կանայք դատարան հայց են ներկայացրել Կալիֆոռնիայի համալսարանի դեմ․․․
Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք
Վերջիններս կասկածվում են ՀՀ ոստիկանության Սևանի բաժնում խմբի կազմում…
Հիվանդին փոխներարկվել է «Հեպտատիտ Ց» վարակ պարունակող արյուն, նա մահացել է. մեղադրանք է առաջադրվել 2 բուժաշխատողի
Ձեռք բերված ապացույցների հիման վրա՝ «Վայքի բուժական միավորում» ՓԲԸ-ի բժիշկ-անեսթեզիոլոգ-ռեանիմատոլոգին և բժիշկ-սերոլոգին…
Partner news