Վրաստանը, Թունիսը, Մարոկոն եւ Ալժիրը մոտ ժամանակներս Գերմանիայի կողմից կարող են ճանաչվել անվտանգ երկրներ, ինչը կարագացնի այդ երկրների քաղաքացիներից ապաստանի տրամադրման միջնորդությունների մշակման գործընթացը։ Հուլիսի 19-ին Գերմանիայի կառավարությունը հաստատել է համապատասխան օրինագիծը, որը պատրաստվել էր ՆԳՆ ղեկավար Հորսթ Զեեհոֆերի կողմից, հայտնում է DW-ն։
Փաստաթուղթը այժմ կանցնի Բունդեսթագի քննարկման։ Կառավարությունը հույս ունի, որ նոր նորմը կօգնի արագացնել ապաստան ստանալ ցանկացող միգրանտների կողմից ներկայացված փաստաթղթերի մշակման գործընթացը եւ կկրճատի այդ երկրներից միգրացիոն հոսքերը։