Մոսկվան ողջունում է ղարաբաղյան հակամարտության կողմերի միջև ցանկացած կառուցողական շփում։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Հայաստանի ու Ադրբեջանի արտգործնախարարների հանդիպումը Բրյուսելում։
«Մենք չենք մեկնաբանում երկկողմ հանդիպումները, որոնք տեղի են ունենում առանց Ռուսաստանի Դաշնության մասնակցության։ Սակայն, հաշվի առնելով, որ ՌԴ-ն ներգրավված է այս թեմայում, ԵԱՀԿ Մինսկի խումբ եւ այլն, կասեմ՝ մենք ելնում ենք նրանից, որ ցանկացած կառուցողական շփում, որ կողմերը նախաձեռնում են, պետք է ծառայի ընդհանուր նպատակին եւ հակամարտության կարգավորմանը: Մենք ողջունում ենք այն ամենը, ինչ կողմերը գնահատում են որպես քայլ՝ ուղղված ամբողջական կարգավորմանը կամ թեկուզ երկխոսության շարունակությանը»,-նշել է Զախարովան։
