Lego կոնստրուկտորներ արտադրողը ներկայացրել է Creator Expert շարքի նոր մոդելը՝ Ջեյմս Բոնդի մասին ֆիլմից Aston Martin DB5-ը: Հավաքածուն կազմված է 1295 դետալից եւ «լրտեսական» տարբեր գաջեթներով հագեցած լեգենդար մեքենայի պատճենն է:
Խաղալիք Aston Martin DB5-ի թափքի տակ օրիգինալ մեքենայի շարժիչն են «տեղադրել», սրահում՝ հեռախոս եւ հետեւող համակարգով հագեցած դիսփլեյ: Մեքենայի երկարությունը 340 մմ է, լայնությունը՝ 120, բարձրությունը՝ 100 մմ:
Մոդելը հագեցած է հատուկ անվահեծերով, թարթիչներով, հետին հատվածում «փամփուշտներից պաշտպանող» վահանով, երկու գնդացրով, անիվները ծակելու համար դանակներով, ինչպես նաեւ կատապուլտի համար նախատեսված ֆունկցիոնալ բազկաթոռով:
