Հայաստանի ԱԻՆ-ում, այսօր՝ հուլիսի 19-ին՝ ժամը 04:17-ին, «911» ծառայությանն ահազանգ է ստացվել, որ Երեւան քաղաքի Պարոնյան փողոցի թիվ 9 շենքի բնակարաններից մեկից օգնության կանչեր են լսվում. անհրաժեշտ է փրկարարների օգնությունը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Փրկարարները բացել են բնակարանի դուռը, ննջասենյակի հատակին հայտնաբերել Ի. Հ.-ին (1935 թ.) եւ մոտեցրել շտապօգնության ավտոմեքենային:
Ի. Հ.-ն հոսպիտալացվել է «Հերացու» անվան թիվ 1 համալսարանական հիվանդանոց, որտեղ բժիշկները տուժածի առողջական վիճակը գնահատել են միջին ծանրության: