Փանիկ գյուղում տեղի ունեցածը չասեմ անփութություն, կոպիտ կհնչի, բայց պլանային զորավարժություն է եղել, որի մասին ծանուցում չի եղել: Այս մասին այսօր՝ կառավարության նիստից առաջ լրագրողների հետ զրույցում նշեց ԱԱԾ տնօրեն Արթուր Վանեցյանը:
Նա տեղեկացրեց, որ տեղի ունեցածի համար ռազմաբազայի ղեկավարությունը ներողություն է խնդրել. «Աշխատել ենք հետները, կարծում եմ՝ նման բան էլ չի կրկնվի:
Իշխանությունն ինչ պետք է աներ, արել է: Այսինքն մենք արձագանքել ենք, տվել ենք մեր գնահատականը, պաշտոնապես դիմել ենք ռազմակայանի ղեկավարությանը եւ նրանք հավաստիացրել են, որ այլեւս նման բան չի կրկնվի: Չկա այստեղ որեւէ քաղաքական ենթատեքստ»,-հայտարարեց նա: