Ռուսաստանը պահանջել է հայտնել Սկրիպալների թունավորման գործով կասկածյալների անունները, հաղորդում է «ՌԻԱ Նովոստի»-ն:
«Ռուսաստանի Դաշնությունը ցանկանում է բրիտանական պաշտոնյաներից լսել Սկրիպալների թունավորման համար կասկածյալների անունները. մինչ այժմ դրանք միայն լրատվամիջոցներումի տարբերակներն էին»,- մեջբերել է գործակալությունը Մեծ Բրիտանիայում Ռուսաստանի դեսպան Ալեքսանդր Յակովենկոյի հայտարարությունը:
Ավելի վաղ գործակալությունը հաղորդել էր, որ Ալեքսանդր Յակովենկոն մտադիր է հանդիպել Մեծ Բրիտանիայի արտաքին գործերի նախարարության նոր ղեկավար Ջերեմի Հանթի հետ եւ քննարկել երկու երկրների հարաբերությունները եւ Սկրիպալների գործը:
Հուլիսի 4-ի առավոտյան Էյմսբերիում երկու մարդ «անհայտ նյութի ազդեցության տակ» տեղափոխվել էր հիվանդանոց: Տուժածներից մեկը մահացել է, տղամարդը ողջ է մնացել: Սքոթլենդ Յարդում հայտարարել են, որ նրանք թունավորվել են նույն նյութով, ինչպ նախկին գնդապետ Սերգեյ Սկրիպալը եւ նրա դուստրը՝ Յուլյան:
Էյմսբերին գտնվում է Սոլսբերիից ոչ հեռու, որտեղ եւ մարտ ամսվա սկզբին թունավորել էին Սկրիպալներին: Լոնդոնը թունավորման համար մեղադրեց Մոսկվային, սակայն որեւէ ապացույց չներկայացրեց: Ռուսաստանը կտրականապես ժխտում է իր ներգրավվածությունը: