Գործով նախաքննական գործողությունները են իրականացվում: NEWS.am-ի հետ զրույցում ասաց ՀՔԾ պետ Սասուն Խաչատրյանը՝ անդրադառնալով ԵԿՄ նախկին նախագահ, գեներալ Մանվել Գրիգորյանի եւ նրա կնոջ՝ Նազիկ Ամիրյանի ՀՔԾ-ում քննվող գործերին:
«Ստուգվում են հայտնաբերվածի ձեռքբերման աղբյուրները, ինչպես նաեւ այլ գույքի ձեռքբերման աղբյուրներն են ստուգվում, մի խոսքով՝ նախաքննություն է կատարվում»,- ասաց նա:
Ավելի վաղ հայտնել էինք, որ Նազիկ Ամիրյանին մեղադրանք է առաջադրվել ՀՀ քրեական օրենսգրքի 235-րդ հոդվածի 2-րդ մասով նախատեսված հանցավոր արարքի կատարման համար:
Բավարար ապացույցների համակցությամբ հիմնավորվել է, որ Ն. Ամիրյանը Մանվել Գրիգորյանի եւ մի խումբ այլ անձանց հետ նախնական համաձայնությամբ Արմավիրի մարզի Արշալույս գյուղի Լճափնյա փողոցի 28 եւ 30 հասցեներում գտնվող առանձնատներում մինչեւ ապօրինի կերպով պահել է մեծ թվով զենք-զինամթերք:
Նազիկ Ամիրյանի նկատմամբ որպես խափանման միջոց է ընտրվել ստորագրությունը չհեռանալու մասին: Մանվել Գրիգորյանը կալանավորված է:
Նախաքննությունը շարունակվում է:
