Instagram-ն օգտատերերի համար նոր հնարավորություններ է փորձարկում։ Այժմ անհանգստացնող եւ «կպչուն» հետեւորդներին կարելի կլինի հեռացնել հետեւորդների ցանկից՝ առանց նրանց սեւ ցուցակում ընդգրկելու, հայտնում է ՌԳ-ն։

Նախկինում Instagram-ի այն օգտատերերը, որոնք ունեին փակ հաշիվներ, կարող էին անցանկալի հետեւորդներին ջնջել, սակայն բաց հաշիվներ ունեցող օգտատերերը այդպիսի հնարավորություն չունեին։ Այժմ նրանցից կպահանջվի ընդամենը սեղմել «Ջնջել հետեւորդին» կոճակը, ընդ որում հակառակ կողմը այս մասին չի իմանա։