Սթրիթռեյսերշա Մառա Բաղդասարյանի պաշտպանությունը բողոքարկել է դատարանի որոշումը, որն օրինական է համարել նրան վարորդական վկայական տալու Ճանապարհային երթեւեկության անվտանգության պետական տեսչության մերժումը, «ՌԻԱ Նովոստի»-ին հայտնել են Մոսկվայի Դորոգոմիլովսկու դատարանից:
«Վերաքննիչ բողոքը դատարանում գրանցվել է»,- նշված է գործի քարտում:
Նրա փաստաբանի փոխանցմամբ՝ Մոսկվայի Սավելովի դատարանը 2017-ի մարտին Բաղդասարյանին վարորդական իրավունքից զրկել էր առողջական վիճակի հիմնավորմամբ, սակայն ավելի ուշ նա դիմել է բնակավայրի պոլիկլինիկա՝ ապացուցելու համար, որ բժշկական հիմնավորումները վերացել են: Նա զննում է անցել բժիշկների մոտ, ստացել հոգեբույժների եւ նարկոլոգների եզրակացությունները, որոնցով դիմել է ՃԵ անվտանգության պետական տեսչություն վարորդական վկայական ստանալու, սակայն նրան մերժել են:
Բաղդասարյանը «խնդրում է ապօրինի ճանաչել վարորդական վկայական տալու մերժումը եւ պարտավորեցնել իրավունքների ու ազատությունների խախտումը վերացնել վարորդական իրավունք տալու ճանապարհով»: Որպես համապատասխանող է հանդես գալիս ՌԴ ՆԳՆ մայրաքաղաքային գլխավոր վարչությունը:
