Ուրբաթ առավոտյան նավթի համաշխարհային գներն աճել են ՕՊԵԿ-ում Սաուդյան Արաբիայի պատվիրակի այն հայտարարությունից հետո, որ երկրորդ կիսամյակում աշխարհում նավթի պաշարները զգալիորեն կնվազեն: Այս մասին վկայում են սակարկությունների տվյալները, փոխանցում է «ՌԻԱ Նովոստի»-ն:
Brent տեսակի նավթի հյուսիսամերիկյան նավթային խառնուրդի սեպտեմբերյան ֆյուչերսների արժեքը աճել է 0,28 տոկոսով՝ հասնելով բարելի դիմաց մինչեւ 72,78 դոլարի, WTI տեսակի նավթի սեպտեմբերյան ֆյուչերսների արժեքը՝ 0,1 տոկոսով, բարելի դիմաց հասնելով մինչեւ 68,33 դոլարի:
Ուրբաթ ներդրողները շահել են ՕՊԵԿ+ համաձայնագրի կատարման մոնիթորինգի տեխնիկական կոմիտեի ղեկավարի՝ համատեղությամբ ՕՊԵԿ-ում Սաուդյան Արաբիայի պատվիրակ Ադիբ ալ Աամայի նախօրեի հայտարարությունից, որ չնայած 3-րդ եռամսյակում միջազգային նավթային շուկայի լավ հավասարակշռմանը, երկրորդ կիսամյակում կդիտվի պաշարների զգալի նվազում հումքի կայուն պահանջարկի եւ սեզոնային գործոնների պատճառով:
Միաժամանակ, սակարկությունների մասնակիցները ուշադրություն են դարձրել Չինաստանի Կենտրոնական բանկի որոշման վրա՝ դոլարի նկատմամբ յուանի փոխարժեքը մեկ տարում մինչեւ նվազագույն նիշ թուլացնելու մասին: