Չինաստանը վերջին մի քանի տարիներին բարեփոխում է մետաղագործական, ածխային եւ էներգետիկ ոլորտները՝ դրանով պայքարելով բնապահպանական իրադրության բարելավման համար, հայտնում է «Վեդոմոստի» պարբերականը:
Նշվում է, որ բարեփոխումների առանցքային դրույթներից մեկն է բնակկոմունալ տնտեսությունների եւ էներգետիկ ձեռնարկությունների անցումը ածխից գազին: Օրերս հաստատված ընդլայնված եռամյա ծրագրով նախատեսվում է Չինաստանի 82 քաղաքներում 2016 թվականի ցուցանիշների համեմատ ածխի պահանջի 5-10 տոկոսով կրճատում: «Գազպրոմբանկի» տնտեսական կանխատեսման կենտրոնի տնօրեն Այրատ Խալիկովի կարծիքով՝ ածխի պահանջարկի կրճատումը կբերի 2020-2021 թվականներին գնի զգալի նվազման:
Այն, որ Չինաստանը կրճատում է ածխի արդյունահանումն ու օգտագործումը Չինաստանի, Մեծ Բրիտանիայի եւ ԱՄՆ տնտեսագետները հայտնել են 2016 թվականի: Նրանք նշել են, որ ածխի օգտագործումը բարձրակետին է հասել 2013-2014 թվականներին եւ այդ ժամանակից սկսած անկում է գրանցում:
Պատճառների թվում գիտնականները նշում են տնտեսական աճի դանդաղումը, ածխարդյունաբերության անկումը եւ օգտակար հանածոյից կախվածության նվազման տնտեսական քաղաքականությունը: