News
Լրահոս
News
Ուրբաթ
Մարտ 29
Տեսնել լրահոսը


Ես շատ առողջ եմ համարում եւ քննադատությունը, եւ հրաժարականները: Այս մասին «Ամերիկայի ձայն»-ին  տված հարցազրույցում նշել է ՀՀ առաջին փոխվարչապետ Արարատ Միրզոյանը՝ անդրադառնալով վերջին օրերին պետական որոշ պաշտոնյաների հրաժարականներին:

«Մենք շատ բարձր չափանիշ ենք սահմանել առաջին հերթին հենց մեզ համար, եւ ես, մեր մյուս թիմակիցները, մյուս հեղափոխականները պետք է համապատասխանենք այդ չափանիշներին, իսկ եթե որեւէ մեկն այլ պատկերացումներ ունի կամ կյանքը ցույց է տալիս, որ ինչ-որ առումով չեն համապատասխանում զբաղեցրած պաշտոնին, ապա ես կամ որեւէ մեր ընկեր պետք է պատրաստ լինի հետ կանգնելու եւ դուրս գալու իշխանությունից, ինչը շատ նորմալ պրակտիկա է: Սա այն նշաձողն է, որը մենք ինքներս ենք սահմանել»,-հայտարարեց Արարատ Միրզոյանը:

Ինչ վերաբերում է կադրային քաղաքականության հարցում կառավարության սխալներին, Միրզոյանն ասաց. «Սերնդափոխություն, միեւնույն է, պետք է լինի: Չի կարելի անվերջ հղում անել փորձի վրա: Հայաստանում ամիսներ առաջ կատակ կար՝ պահանջվում է նախագահ՝ նախագահի աշխատանքի փորձով: Այսինքն անպայմանորեն սենդրափոխություն պետք է լինի եւ բնականաբար պետք է ընտրություններով իշխանություններ փոխվեն:

Ենթադրենք ամեն ինչ լավ էր եւ պետք է լիներ ընտրություններ: Մի օր քաղաքացիները կորոշեին իրենց ձայնը տալ մի ուժի, որը չի եղել իշխանության եւ գուցե նաեւ փոքր թիմ ունի, ինչպես մենք ենք եկել իշխանության: Եվ բնական է, որ չկա այդ փորձը: Ի՞նչ է սա ենթադրում, անվերջ մնալ փորձառու հների ձեռքի՞ն, նրանց իշխանության տիրապետության տա՞կ: Իհարկե, կան մարդիկ, որ փորձ չունեն, իհարկե կան մարդիկ, որոնք արագ փորձ ձեռք կբերեն եւ իհարկե կլինեն նշանակումներ, որոնք չեն արդարացնի իրենց»:

ՀՀ առաջին փոխվարչապետը խոստովանեց, որ իրենց դեպքում նույնիսկ ընտրությունը փորձառու եւ անփորձ առավել լավերի մեջ չէր. «Այստեղ խնդիրը հետեւյալն է՝ լինում են շատ փորձառու սրիկաներ, փորձառու կաշառակերներ, կոռուպցիոներներ: Ո՞րն է նախընտրելի՝ անփորձ նորեկը, որ լավ արժեքներ ունի եւ ամեն ինչ անելու է, կաշվից դուրս է գալու, որ այդ արժեքները կյանքի կոչվե՞ն, գուցե մեկի դեպքում հաջողվի, մյուսի դեպքում՝ ոչ, թե՞ մնալ գերի փորձառու սրիկաների կամ կոռուպցիոներների: Կարծում եմ՝ պատասխանն ակնհայտ է»:

Տպել
Կարդացեք նաև
Ամբողջը
ՀՀ տարածքից երրորդ երկրներ արտահանվող թանկարժեք մետաղների նկատմամբ քվոտա սահմանվեց
Կառավարությունն իր այսօրվա՝ փետրվարի 29-ին «Վերամշակում՝ մաքսային...
ԱՆԻՖ-ի պայմանագրային ներդրումային ֆոնդը ներդրում կիրականացնի «ԵՄ-Հայաստան ՓՄՁ Ֆոնդում»
Ֆոնդում մասնակցություն կունենա նաև Նիդերլանդների ձեռնարկատիրական զարգացման բանկը՝ FMO-ն, որի բաժնետոմսերի մեծամասնությունը պատկանում է...
Փաշինյանը նշել է Հայաստանում հեղափոխության հաղթանակի գինը՝ 200 հազար դոլար
Նրա խոսքով՝ արդյունքում իրավիճակը Հայաստանում այնպես է փոխվել, որ «այժմ ասյտեղ չկան մենաշնորհներ»...
Ռուսական խոշոր «Վեդոմոստի» պարբերականի ընթերցողները Փաշինյանին տարվա քաղաքական գործիչ են ընտրել
Պարբերականի խմբագրությունը տարվա քաղաքական գործիչ է ընտրել Գերմանիայի կանցլեր Անգելա Մերկելին, իսկ ընթերցողները նախապատվությունը տվել են հայ առաջնորդին…
Հայաստանում գործարաններ են ստեղծվում մի քանի հազար աշխատատեղով. Փաշինյանը թվերով խոսեց ներդրումների մասին
Հայկական բրենդով հեռուստացույց եւ կենցաղային տեխնիկա է արտադրվելու...
Լենա նազարյանը պնդում է ՝ խոստումները կատարել են, աշխատավարձերի բարձրացում էլ եղել է
Նման քայլեր կլինեն պետական այլ ծառայողների, ուսուցիչների, իրավապահ մարմիններում աշխատող մարդկանց նկատմամբ...
Ամենաշատ