ՌԴ նախագահ Վլադիմիր Պուտինը Հելսինկիում կայացած հանդիպմանը ԱՄՆ առաջնորդ Դոնալդ Թրամփին առաջարկել է հանրաքվե անցկացնել՝ որպես Դոնբասում ճգնաժամի լուծման տարբերակներից մեկը, փոխանցում է «ՌԻԱ Նովոստի»-ն՝ վկայակոչելով Bloomberg-ը:
Գործակալության աղբյուրները, որոնք ներկա են եղել Պուտինի՝ դեսպանների եւ ՌԴ մշտական ներկայացուցիչների հետ խորհրդակցությանը, նշել են, որ խոսքը միջազգային կազմակերպությունների հովանու ներքո հանրաքվեի անցկացման մասին է, որին ինքնահռչակված Դոնեցկի Ժողովրդական Հանրապետության եւ Լուգանսկի Ժողովրդական Հանրապետության բնակիչները իրենց կարծիքը կհայտնեն այս տարածքների կարգավիճակի վերաբերյալ:
Պուտինը եւ Թրամփը համաձայնել են չհրապարակել այս պլանը, որպեսզի ԱՄՆ նախագահը հնարավորություն ունենա մտածել այդ մասին, հավելել են Bloomberg-ի զրուցակիցները: