News
Լրահոս
News
Ուրբաթ
Օգոստոս 23
USD
475.99
EUR
526.4
RUB
7.25
ME-USD
0.14
Տեսնել լրահոսը

Մենք պետք է բացառենք իրավիճակները, երբ ինչ-որ նախագծեր իրականացվում են ի հեճուկս ազդակիր համայնքների: Այս մասին, այսօր՝ հուլիսի 20-ին, լրագրողների հետ հանդիպման ժամանակ նշեց ՀՀ վարչապետ Նիկոլ Փաշինյանը՝ անդրադառնալով փաստին, որ դեռեւս մեկ տարի առաջ կառավարությունը որոշել է, որ Դեբեդ գետի վրա պետք է հեկ կառուցվի, սակայն Ալավերդի քաղաքի ու հարակից գյուղերի բնակիչները դրան դեմ են, բողոքի ակցիաներ են իրականացնում: Ավելին, Ալավերդու եւ Թումանյանի ավագանիները հեկի կառուցման դեմ որոշում է կայացրել:

Այս առնչությամբ, Փաշինյանն ասաց, որ օրերս էներգետիկ ոլորտին նվիրված խորհրդակցություն են անցկացրել, որտեղ քննարկվել է նաեւ այդ հարցը. «Մենք սկզբունքորեն բացառել ենք, որ որեւէ համայնքի տարածքում կամ որեւէ նախագիծ կիրականացվի առանց ազդակիր համայնքների համաձայնության:

Դուք գիտեք, որ այդ նախագծի վերաբերյալ տարբեր կարծիքներ կան, այդ նախագիծը դեռեւս շրջակա միջավայրի փորձաքննություն չի անցել եւ դրա հետ կապված նույնիսկ, երբ որ Վանաձոր-Ալավերդի ճանապարհի նորոգման պրոցես է գնում, եթե հաշվի առնվեր այդ նախագիծը, այն պետք է փոխվեր, բայց նախատեսված էր, որ այդ փոփոխման ծախսերը պետք է իրականացնի հեկի ներդրողը:

Մենք հիմա որոշում ենք կայացրել, որ այդ ճանապարհը պետք է կառուցվի առանց նախագծի փոփոխության: Եթե ազդակիր համայնքները չուզենան, որ այդ նախագիծն իրագործվի, դա չի իրագործվի»,-վստահեցրեց Փաշինյանը՝ հավելելով. «Որեւէ դեմ պայքարելու կարիք չկա»:

Անդրադառնալով հարցին, թե որքանով է հնարավոր, որ կառավարությունը ազգայնացնի Զանգեզուրի պղնձամոլիբդենային գործարանը, վարչապետն ասաց, որ բոլոր մետաղական հանքերում իրականացնելու են ստուգումներ. «Ամեն ինչի համար պետք է լինի իրավական հիմնավորում, բացառված է, որ կամայական որեւէ որոշում կայացնենք, եթե անգամ հոգու խորքում նման որոշում կայացնելու ցանկություն լինի:

Սեփականատերերի մասին այո, կան լուրեր, օպերատիվ տեղեկություններ եւ այդ ամենը ճշտված պրոցեսի մեջ է: Եթե ստուգման արդյունքում պարզվի, որ իրավական քայլ անելու հիմք կա, մենք դա կանենք, եթե տեսնենք՝ չկա հիմք, չենք անի»:

Փաշինյանն անդրադարձավ նաեւ մասնավորեցված գործարաններին, որոնք չեն աշխատում. «Դա մի հարց է, որ անկախությունից ի վեր եղել է. դուք գիտեք, որ մասնավորեցումները լինում են որոշակի պայմանագրերի հիման վրա եւ որոշակի ներդրումային  պարտավորությունների շրջանակներում: Մենք պետք է նայենք, թե իրավական ինչ բազա ունենք: Երբ ասում ենք ախտորոշման խնդիր կա, դրանք իսկապես մեծ ծավալների են:

Մենք կառավարության նիստերում մի քանի մասնավորեցման որոշում չընդունեցինք եւ որոշեցինք, որ դրանց մեջ պետք է հավելյալ պայմաններ մտցնենք, ինչը հիմա անում ենք: Մի քանի դեպքում, երբ ներդրումային ծրագիր էր իրականացվում, մենք պայմանագրում կետ ենք ավելացնում, որ եթե պայմանները չեն կատարվում, կառավարությունն իրավասու է այդ տարածքը հետ գնել օրինակ հազար դրամով, կամ նույն գնով, ինչով վաճառվել է:

Սա ճիշտ պրակտիկա է եւ հետագայի համար պետք է անել, որպեսզի այդ սեփականաշնորհումները ոչ թե փախեփախի համար արվի, այլ տնտեսության մեջ ռեալ փոփոխություններ բերելու:

Եթե մեկը սեփականաշնորհել է ու իր պարտավորությունները չի կատարել, պետք է քննարկել այդ հարցը, թե ինչու չի կատարել: Ես չեմ ասում, որ պետք է ասենք՝ վայ՝ պարտավորությունդ չես կատարել, հիմա գանք սեփականությունը վերցնենք: Պետք է օգնենք, որ նրանք իրենց պայմանագրային պարտավորությունները կատարեն»:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Աշխատանք՝ հանուն «մաքուր» էներգիայի (տեսանյութ)
Հայաստանում վերականգնվող էներգիայի զարգացման հնարավորությունները մշտապես գտնվում են ԱԳԲԱ Լիզինգի ուշադրության կենտրոնում...
Էրդողանը կարգադրել է առավելագույնս արագացնել Թուրքիայում ատոմային նախագծերի իրականացումը
Թուրքիայի համար «մեծ նշանակություն ունի պետության տարածքում ԱԷԿ-ների նախագծերի հաջող եւ անվտանգ իրականացումը»…
Սակարկությունների ընթացքում նավթի համաշխարհային գներն աճում են
WTI տեսակի նավթի սեպտեմբերյան ֆյուչերսները թանկացել են 1,32 տոկոսով՝ մեկ բարելի դիմաց կազմելով 55,19 դոլար…
Ռուսաստանը, Ադրբեջանը եւ Իրանը պայմանավորվել են միասնական էներգահամակարգի մասին
Համաձայնագիրը ստորագրվել է օգոստոսի 12-ին...
Նավթի համաշխարհային գները կրկին նվազում են
WTI տեսակի նավթի սեպտեմբերյան ֆյուչերսները նվազել են 1,19 տոկոսով՝ մեկ բարելի դիմաց կազմելով 56,42 դոլար…
Երեւանի եւ Հրազդանի մի շարք հասցեների գազամատակարարումը օգոստոսի 14-ին կդադարեցվի
Գազանջատման եւ գազամատակարարման վերականգնման վերաբերյալ լրացուցիչ տեղեկություններ ստանալու նպատակով...